Jón Trausti Reyn­is­son, annar rit­stjóra Stund­ar­inn­ar, var afar ósáttur við lög­bannið sem sett hefur verið á frétta­flutn­ing fjöl­mið­ils­ins upp úr gögnum frá Glitni er varða við­skipti Bjarna Bene­dikts­sonar og fjöl­skyldu hans í aðdrag­anda banka­hruns­ins.

Hann segir að lög­bannið taki til þess, að Stundin megi ekki vinna fréttir upp úr gögn­unum og geti því ekki birt frek­ari fréttir um mál, þar til réttaró­vissu um heim­ild til þess hefur verið eytt. 

Málið er nú á leið­inni fyrir dóm­stóla, en að sögn Jón Trausta hefur Glitnir Holdco ehf., eign­­ar­halds­­­fé­lag utan um eft­ir­stand­andi eignir hins fallna banka Glitn­is, viku til þess að rök­styðja lög­bannið fyrir dóm­stól og leggja fram stefnu máli sínu til stuðn­ings. Ljóst sé að nið­ur­staða muni ekki fást í málið fyrr en eftir kosn­ing­arnar 28. októ­ber, næst­kom­andi.

Jón Trausti segir að öllum kröfum Glitnis Holdco hafi verið kröft­ug­lega mót­mælt af Stund­inni, enda eigi umfjöll­unin erindi við almenn­ing. Hún fjalli um sam­spil við­skipta og stjórn­mála, í aðdrag­anda hruns­ins. 

Hann segir aðgerðir eins og þessar „hættu­legar í lýð­ræð­in­u“, og hann telur að dóm­stólar muni ekki fall­ast á þessa heftun á tján­inga­frels­inu þegar á reyn­ir.

Stundin hefur unnið úr gögnum og birt umfjöll­un, í sam­starfi við The Guar­dian og Reykja­vík Media, að ein­hverju leyti. Lög­bannið nær einnig til frétta The Guar­dian og Reykja­vík Media.

Umfjöll­unin hefur birst í röð frétta þar sem fjallað erum lán­veit­ing­ar, hluta­bréfa­við­skipti, per­sónu­legar ábyrgðir á lán­um, og sam­skipti Bjarna Bene­dikts­sonar við banka­menn og við­skipta­fé­laga, í aðdrag­anda banka­hruns­ins.