Bjarni Bene­dikts­son, for­maður Sjálf­stæð­is­flokks­ins og for­sæt­is­ráð­herra, segir að lög­bann Sýslu­manns­ins á höf­uð­borg­ar­svæð­inu á frétta­flutn­ing Stund­ar­innar og Reykja­vík Media sem bygg­ist á gögnum úr Glitni og fjallar að mestu um hann, komi á ein­stak­lega óheppi­legum tíma. Það sé út í hött á þessum tíma­punkti að setja lög­bann á frétta­flutn­ing­inn þótt að hann vilji ekki gera lítið úr því að í gögn­unum séu upp­lýs­ingar um þús­undir Íslend­inga sem séu illar fengn­ar. Þetta kemur fram í við­tali við Bjarna á RÚV.

Þar segir Bjarni að umfjöllun um þátt­töku hans í við­skipta­lífi hafi staðið næstum ára­tug aftur í tím­ann, vegna mála sem snerta hann per­sónu­lega og hafi ekk­ert með almanna­hags­muni að gera. Und­an­farið hafi slíkar fréttir birst í tuga­tali.

„Ég hef aldrei gert neina til­raun til að stöðva slíkan frétta­flutn­ing. Ég hef bara leit­ast við að koma fram með svör. Og ég tel að við eigum að byggja okkar opna sam­fé­lag upp með þeim hætti að fjöl­miðlar séu frjálsir af því að flytja frétt­ir, fjalla um mál­efni, sér­stak­lega þau sem varða almenn­ing[...]Ég hef fyrir löngu, löngu síðan sætt mig við það að sem opin­ber per­sóna þurfi að gilda önnur við­mið fyrir mig. Og í ljósi þess að umræðan um þessi mál­efni er dálítið orð­inn hlut­ur, þá finnst mér lög­bann á þessum tíma­punkti eig­in­lega út í hött hvað mig sjálfan varð­ar. En ég vil ekki með því gera lítið úr því að það kunna að vera þús­undir Íslend­inga, eins og maður les í frétt­un­um, sem hægt er að fá upp­lýs­ingar um í ein­hverjum gögnum sem eru illa feng­in. Og það þurfi að fara sína leið í kerf­in­u.“

Sýsla­mað­ur­inn á höf­uð­borg­ar­svæð­inu féllst í gær á kröfu félags­ins Glitn­ir­Holdco, sem heldur á eft­ir­stand­andi eignum þrota­bús Glitn­is,  um að lög­­­­­bann yrði sett á frétta­­­flutn­ing Stund­­­ar­inn­ar og Reykja­vík Media, sem bygg­ir á gögn­um inn­­­an úr fallna bank­an­­­um. Í frétta­til­kynn­ingu sem send var út í gær sagði að ög­­bannskrafan hafi verið lögð fram hjá sýslu­­manni á föst­u­dag. 

Þar sagði einnig Fjár­­­mála­eft­ir­lit­inu hefði verið til­­kynnt um brot á banka­­leynd með frétta­­flutn­ingn­um, og að Glitnir hefði ráðið lög­­­manns­­stofu í Bret­landi til að gæta hags­muna sinna gagn­vart fjöl­mið­l­inum The Guar­d­i­an, sem hefur fjallað um gögnin í sam­vinnu við Stund­ina og Reykja­vík Media.