Þreif­ingar milli flokk­anna á Alþingi og for­ystu­fólks þeirra benda til þess að tölu­verð póli­tísk bar­átta sé nú um það hver fái umboðið til að mynda nýja rík­is­stjórn, eða í það minnsta leiða hana sem for­sæt­is­ráð­herra. 

Sam­skipti hafa verið milli Katrínar Jak­obs­dótt­ur, for­manns Vinstri grænna, Bjarna Bene­dikts­son­ar, for­manns Sjálf­stæð­is­flokks­ins, og Sig­urðar Inga Jóhanns­son­ar, for­manns Fram­sókn­ar­flokks­ins. Allir for­menn­irnir vilja leiða rík­is­stjórn þess­ara flokka, en hún hefði 35 þing­menn af 63 og því rúman meiri­hluta. 

Þá hafa einnig verið við­ræður milli flokk­anna sem áður slitu form­legum stjórn­ar­mynd­ar­við­ræð­um, það er Vinstri grænna, Pírata, Fram­sókn­ar­flokks­ins og Sam­fylk­ing­ar­inn­ar, og hafa sam­skipti við Við­reisn­ar, undir for­mennsku Þor­gerðar Katrínar Gunn­ars­dótt­ur, verið þar innan sömu­leið­is. 

Þá hafa Mið­flokk­ur­inn, undir for­ystu Sig­mundar Davíð Gunn­laugs­son­ar, og Flokkur fólks­ins, undir for­ystu Ingu Sæland, einnig átt í sam­skiptum við hina ýmsu flokka.

Staðan er því flókin og margir mögu­leikar upp­i. 

Lík­legt er að Vinstri græn, Fram­sókn­ar­flokkur og Sjálf­stæð­is­flokkur muni ákveða í dag, eða á morg­un, hvort það sé til­efni til að hefja form­legar stjórn­ar­mynd­un­ar­við­ræður milli flokk­anna, en eins og áður seg­ir, koma fleiri leiðir til greina.