Sig­urður Ingi Jóhans­son, for­maður Fram­sókn­ar­flokks­ins, segir að til þess að mynda rík­is­stjórn sem hafi breiða skírskotun frá hægri til vinstri yfir miðju sé ein­fald­ast að mynda slíka stjórn með Vinstri græn­um, Fram­sókn­ar­flokki og Sjálf­stæð­is­flokki. „Þetta eru þrír flokkar og stærstu flokk­arnir á þingi í dag. Ég held að þessum flokkum myndi una að búa til þessa sátt, það er að segja alveg frá hægri til vinstri.“ Þetta kom fram í við­tali við Sig­urð Inga í útvarps­þætt­inum í Harma­geddon í morg­un. 

Þar sagð­ist hann hafa hvatt Katrínu Jak­obs­dótt­ur, for­mann Vinstri grænna, til að halda stjórn­ar­mynd­un­ar­um­boð­inu sem hún var með eftir að það slitn­aði upp úr við­ræðum núver­andi stjórn­ar­and­stöðu­flokka á mánu­dag og bað hana um að „taka Sjálf­stæð­is­flokk­inn með í við­ræð­urn­ar.“

Sig­urði Inga virð­ist ekki lít­ast vel á hug­mynd­ina um að mynda rík­is­stjórn Fram­sókn­ar­flokks, Sjálf­stæð­is­flokks, Mið­flokks og Flokks Fólks­ins. Hann segir slíka rík­is­stjórn ekki hafa nægi­lega breiðu skírskotun og að hann sé ekki viss um að hún myndi skapa mik­inn frið eða sátt í sam­fé­lag­in­u.