Don­ald J. Trump, Banda­ríkja­for­seti, segir að hann og Vladímir Pútín, for­seti Rúss­landi, hafi átt gott sam­tal í Asíu­ferð hans, en þeir tóku þátt í Apec-fund­inum í Víetnam. Á honum var meðal ann­ars rætt um efna­hags­legan upp­gang í Asíu og hvernig horf­urnar væru til fram­tíðar lit­ið, meðal ann­ars með til­liti til auk­innar þátt­töku erlendra fjár­festa.

Trump tjáði sig um sam­skipti sín við Pútín á Twitt­er, eins og við var að búast, og lét þar and­stæð­inga sína finna fyrir því með vel völdum orð­um. Sagði hann meðal ann­ars að and­stæð­ingar hans gætu ekki sætt sig við það, að hann vildi halda sam­band­inu við Pútín góðu. Fram kemur í umfjöllun BBC að Trump og Pútín hafi rætt um rann­sókn­ina á afskiptum Rússa af kosn­ing­unum í Banda­ríkj­unum og stöðu mála í Sýr­landi.

„Hann sagð­ist alls ekki hafa skipt sér af kosn­ing­un­um,“ sagði Trump meðal ann­ars um sam­tal sitt við Pútín. Hann ítrek­aði síð­an, engu að síð­ur, að hann hefði fullt traust á leyni­þjón­ustu­stofn­unum Banda­ríkj­anna. 

Robert Muell­er, sér­stakur sak­sókn­ari, stýrir nú rann­sókn á afskiptum Rússa af kosn­ing­unum í Banda­ríkj­unum í fyrra og einnig hvort fram­boð Trumps hafi með ein­hverjum hætti verið í sam­skiptum rúss­nesk yfir­völd. 

Nú þegar hafa fyrstu ákær­urnar birst, sem byggja á rann­sókn­inni, en þær bein­ast að Paul Mana­fort, sem var um tíma kosn­inga­stjóri Trumps, og við­skipta­fé­laga hans. Þeir eru ákærðir fyrir sam­særi og pen­inga­þvætti, með ann­ars með því að nýta aflands­fé­lög í tengslum við sam­starf við yfir­völd í Úkra­ín­u. 

Þá hefur Wall Street Journal greint frá því að teymi Muell­ers hafi nú Mich­ael Flynn, fyrr­ver­andi þjóðar­ör­ygg­is­ráð­gjafa Trumps, til rann­sóknar og er talið að nægi­legar sann­anir liggir nú fyr­ir, til að ákæra hann og son hans, Mich­ael Flynn Jr.