Voda­fone tekur í dag við ­rekstri útvarps- og sjón­varps­sviðs 365 ásamt frétta- og afþrey­inga­vefnum Vísi.is og fjar­skipta­svið­i 365. Voda­fone greiðir um 8,3 millj­arða króna fyrir þessar ein­ingar 365 miðla en sam­tals er um 10 millj­arða við­skipti að ræða.

Í til­kynn­ingu frá Voda­fone segir í Stefán Sig­urðs­son, for­stjóri Voda­fo­ne, að hann hlakki til þess að leiða fyr­ir­tækið inn í nýja tíma, en Björg Víglunds­son hefur verið ráð­inn fram­kvæmda­stjóri sviðs­ins innan Voda­fone sem hefur miðl­ana undir sinni könnu. „Á meðan á löngu kaup­ferli hefur staðið hef ég gert mér enn betur grein fyrir mik­il­vægi þess­arar starf­semi fyrir íslenskt sam­fé­lag og þeim frá­bæra hópi starfs­fólks sem á hverjum ein­asta degi færir lands­mönnum menn­ingu, fréttir og afþr­ey­ingu í heimsklassa í sjón­varpi, útvarpi á net­inu eða í snjall­tækj­um. Við hlökkum til að geta nú farið að vinna með afbragðs starfs­fólki í nýjum ein­ingum að fram­tíð­ar­þróun félags­ins. Þrátt fyrir aukið erlent fram­boð tel ég að um alla fram­tíð verði þörf og eft­ir­spurn eftir öfl­ugum inn­lendum miðlum sem gera efni sem teng­ist sam­fé­lagi okkar og menn­ing­u.  Mark­miðið er skýrt að reka öfl­uga íslenska fjöl­miðl­un, byggja upp ein­stakan vinnu­stað og vöru og þjón­ustu í bestu fáan­legu gæðum fyrir lands­menn alla,“ segir Stef­án.

Sam­hliða sölu greiðir 365 upp 97 pró­sent af lang­tíma­lán­um ­fé­lags­ins og eign­ast um leið 11 pró­sent hlut í Voda­fo­ne, að því er fram kemur í Frétta­blað­inu í dag. Sé mið tekið af mark­aðsvirði Voda­fone við lokun mark­aða í gær þá er virði 11 pró­sent hlutar um 1,9 millj­arðar króna.

„Ég er ánægð með að þessu ferli er lok­ið,“ segir Ingi­björg Pálma­dótt­ir, ­for­stjóri 365, í Frétta­blað­inu í dag. „Þegar ég tók við ­sem for­stjóri í vetur var sett auk­in á­hersla á sölu­mál. Það hefur skil­að ­góðum árangri og hefur afkom­a ­seldra ein­inga auk­ist um 40 pró­sent á ár­inu. Starfs­menn 365 hafa stað­ið ­sig frá­bær­lega í því að ná þessum ár­angri. Við sjáum tæki­færi í því að hafa Frétta­blaðið í sér­fé­lagi. Það ­gefur meiri sveigj­an­leika til að eflast og þró­ast. Frétta­blaðið mun kynna ­spenn­andi nýj­ungar á næst­unn­i,“ ­segir Ingi­björg.