Ákvörðun Don­alds Trumps Banda­ríkja­for­seta, um að við­ur­kenna Jer­úsalem sem höf­uð­borg Ísra­els, hefur dregið dilk á eftir sér og verður hald­inn neyð­ar­fundur í örygg­is­ráði Sam­ein­uðu þjóð­anna á morgun þar sem ákvörð­unin verður rædd. 

Einn þeirra sem hefur harð­lega mót­mælt ákvörð­un­inni og sagt hana bæði óábyrga og hættu­lega, er Salman kon­ungur Sádí-­Ar­ab­íu. Hann var­aði Trump við ákvörð­un­inni og sagði að hún myndi hleypa illu blóði í múslima um allan heim og skapa ófrið fyrir botni Mið­jarð­ar­hafs. 

Was­hington Post greinir frá því að Trump hafi ákveðið þetta fyrir mörgum mán­uðum og unnið að þessu lengi, í mörgum til­vikum þvert á ráð­legg­ingar ráð­gjafa.

Palest­ínu­menn eru æfir vegna ákvörð­un­ar­inn­ar, sem aug­ljós­lega virð­ist vera frekar til þess fallin að hefta frið­ar­við­ræður frekar en að liðka fyrir þeim, eins og Trump sagði að væri yfir­lýst stefna sín með ákvörð­un­inni. Hann sagði ákvörð­un­ina „rök­rétta“ og í takt við kosn­inga­lof­orð hans. 

Mevlut Cavu­soglu, utan­rík­is­ráð­herra Tyrk­lands, sagði að ákvörðun höf­uð­borg Ísra­els væri ábyrgð­ar­laus og bryti í bága við alþjóða­lög og sam­þykktir Sam­ein­uðu þjóð­anna. 

Recep Tayyip Erdogan, for­seti Tyrk­lands, hafði áður varað við því að slík ákvörðun gæti haft alvar­legar afleið­ing­ar, og sagði það eina rétta í stöð­unni væri að aft­ur­kalla ákvörð­un­ina taf­ar­laust.

Jer­­úsalem er helg borg krist­inna, gyð­inga og múslima og hefur nær alla tíð verið bit­bein þess­­ara trú­­ar­hópa. Vest­­ur­bakk­inn umlykur borg­ina, meiri­hluti íbúa eru gyð­ingar en þar búa rúm­­lega þrjú hund­ruð þús­und Palest­ín­u­­menn. Ísra­elar her­­námu aust­­ur­hluta Jer­úsal­em, þar sem Palest­ín­u­­menn búa, í sex daga stríð­inu 1967.