Ther­esa May, for­sæt­is­ráð­herra Bret­lands, og Jean-Claude Juncker, for­seti fram­kvæmda­stjórnar Evr­ópu­sam­bands­ins, hafa náð sam­komu­lagi um greiðslur sem Bretar þurfa að greiða vegna útgöngu úr Evr­ópu­sam­band­inu og einnig náð sam­komu­lagi um fleiri atriði, eins og hvernig rétt­indi fólks frá Evr­ópu­sam­bands­ríkjum í Bret­landi, og Breta í Evr­ópu, verða tryggð. Hóp­ur­inn telur um fjórar millj­ónir manna.

Frá þessu er greint á vef Fin­ancial Times, en kostn­aður sem nefndur er ein­hvers konar útgöngu­greiðsla er 40 til 60 millj­arðar evra, eða sem nemur um 5 til 7.300 millj­örðum króna. Mikil and­staða hefur verið meðal Brex­it-­sinna við því að verða við þessum kröfum ESB, en svo virð­ist sem Ther­esa May hafi fall­ist á að Bretar greiði þetta fyrir að kom­ast úr sam­band­in­u. 

Lík­legt má telja að þetta verði umdeilt í flokki henn­ar, Íhalds­flokkn­um.

Mara­þon­fundir hafa verið und­an­farna daga milli samn­inga­nefnda Breta og Evr­ópu­sam­bands­ins, en May hefur lagt kapp á að ljúka við­ræðum um útgöngu­kostn­að­inn, og fleiri atriði, sem fyrst, svo það sé hægt að byrja við­ræður um hvernig við­skipta­sam­bandi Evr­ópu­sam­bands­ins og Bret­lands verður háttað í fram­tíð­inni. Þar eru stærstu hags­mun­irnir sem þarf að ná sam­komu­lagi um.

Eins og fram hefur komið hefur May þegar lagt það fram í laga­texta, að Bretar verði komnir úr Evr­ópu­sam­band­inu 29. mars 2019 klukkan 23:00.