Skelj­ungur hefur fest kaup á þriðj­ungs­hlut í Wedo ehf. sem á og rekur vef­versl­an­irnar Heim­kaup.is, Hóp­kaup.is og Bland.­is. 

Í til­kynn­ingu, sem greint var frá á vef RÚV, kemur fram að hluta­fjár­aukn­ingin nemi 280 millj­ónum króna og að fjár­magnið verði notað til að styðja við frek­ari vöxt hjá félag­inu.

Þá fær Skelj­ungur sam­hliða kaup­unum rétt til að skrá sig fyrir 17 pró­senta hlut til við­bótar á næstu þremur árum. Nýti Skelj­ungur rétt sinn til kaupanna þá tryggir hann sér 51 pró­sents eign­ar­hlut í Wedo ehf. 

Mark­aðsvirði Skelj­ungs er nú ríf­lega 14 millj­arðar króna en hagn­aður félags­ins nam 1,2 millj­örðum króna í fyrra, en félagið er skráð á aðal­l­ista kaup­hallar Íslands. Gildi líf­eyr­is­sjóður er stærsti hlut­hafi félags­ins með 9,2 pró­sent hlut og Arion banki næst stærstur með 8,45 pró­sent hlut.

Í til­kynn­ing­unni er haft eft­ir Hend­rik Egholm, for­stjóra Skelj­ungs, að net­verslun sé sú teg­und við­skipta sem vex hvað hrað­ast í heim­in­um. „Við teljum tæki­færi fel­ast í sam­starfi Skelj­ungs og Wedo, sem komi báðum aðilum til góða. Skelj­ungur er sífellt að leita leiða til að mæta þörfum við­skipta­vina sinna og styrkja sölu­staði félags­ins.“

Guð­mundur Magna­son, for­stjóri Wedo, segir að vöxtur félags­ins hafi verið mik­ill að und­an­förnu. „Fjár­fest­ing Skelj­ungs og aðkoma félags­ins að Wedo kemur sér vel í þeirri upp­bygg­ingu sem stendur fyrir dyrum og gerir okkur kleift að gera enn betur í sam­keppni um hylli neyt­enda.“