Basko ehf., hefur und­ir­ritað kaup­samn­ing um kaup á 50 pró­sent hluta­fjár í Eldum rétt ehf. Selj­endur eru félög í eigu Krist­ó­fers Júl­í­usar Leifs­sonar og Vals Her­manns­son­ar, stofn­enda Eldum rétt. Krist­ó­fer og Valur munu áfram starfa sem fram­kvæmda­stjórar félags­ins. Þetta kemur fram í frétta­til­kynn­ingu frá fyr­ir­tæk­in­u. 

Við­skipta­vinir Eldum rétt geta fengið sent til sín, eða sótt, hrá­efni og upp­skriftir að  hollum mál­tíðum fyrir heim­il­ið.  Í viku hverri koma nýjar upp­skriftir inn á vef­inn eld­umrett.­is.  Í boði eru nokkrar teg­undir af mat­ar­pökkum og mis­mun­andi stærð­ir.  Mark­mið Eldum rétt er að stuðla að heil­brigð­ara líf­erni og draga úr mat­ar­só­un. 

Basko fer með eign­ar­hald á nokkrum félögum sem reka versl­anir undir merkjum Iceland, 10-11, Kvosar­innar ásamt því að hafa einka­leyfi á rekstri kaffi­húsa Dunkin Donuts á Ísland­i.  Kaupin eru gerð með fyr­ir­vara um áreið­an­leika­könnun og sam­þykki Sam­keppn­is­eft­ir­lits­ins, segir í til­kynn­ing­unn­i. 

Krist­ó­fer Júl­íus Leifs­son og Valur Her­manns­son, stofn­endur Eldum rétt, segja að frá því að Eldum rétt var stofnað árið 2013 hafi félagið vaxið hratt og við­tökur við­skipta­vina þeirra verið frá­bær­ar. Vöru­úr­valið hafi auk­ist mikið og bjóði fyr­ir­tækið þjón­ustu á völdum svæðum á lands­byggð­inni. „Á þessum tíma­punkti töldum við rétt að fá öfl­uga aðila með sér­þekk­ingu í smá­sölu inn í hlut­hafa­hóp­inn til þess að styðja við frek­ari þróun og vöxt félags­ins og halda áfram að veita við­skipta­vinum okkur fram­úr­skar­andi þjón­ust­u.  Framundan er spenn­andi tími þar sem við munum kapp­kosta að gera enn betur fyrir við­skipta­vini okk­ar. Við erum mjög ánægðir með að fá Basko inn í hluta­hafa­hóp félag­ins,“ segja Krist­ó­fer og Val­ur. 

Árni Pétur Jóns­son, for­stjóri Basko ehf., segir að fyr­ir­tækið hafi náð að skapa sér sér­stöðu og sé þekkt fyrir gæði og fram­úr­skar­andi þjón­ustu. „Að­koma Basko að Eldum rétt er liður í að styrkja fyr­ir­tækið og gera því kleift að sækja enn frekar fram í þjón­ustu­fram­boði fyrir heim­ilin í land­inu. Við erum virki­lega ánægð með að fá að vera þátt­tak­endur í upp­bygg­ingu á Eldum Rétt og hlökkum til þess að taka næstu skref með þeim,“ segir Árni Pét­ur.