Mælt verður fyrir frum­varpi til laga um breyt­ingu á lögum um kosn­ingar til sveit­ar­stjórna á Alþingi í dag, þar sem lagt er til að kosn­inga­aldur verði lækk­aður niður í 16 ár.

Áður hefur verið miðað að því að lækka kosn­inga­aldur almennt úr 18 árum í 16 ár en hér er hins vegar lagt til að stíga skrefið til hálfs með því að breyta kosn­inga­aldri í kosn­ingum til sveit­ar­stjórna sem krefst aðeins ein­faldrar laga­breyt­ing­ar. 

Andrés Ingi Jóns­son, fyrsti flutn­ings­maður frum­varps­ins og þing­maður Vinsti grænna, segir í sam­tali við Kjarn­ann að málið hafi verið inni á þingi í einni mynd eða annarri í um 11 ár. Það hafi tekið breyt­ingum í áranna rás en nú séu flutn­ings­menn að ein­beita sér að sveit­ar­stjórn­ar­stig­in­u. 

Hann bætir því við að ef frum­varpið verður að lögum þá sé hægt að gera þessar breyt­ingar fyrir sveit­ar­stjórn­ar­kosn­ing­arnar í vor. 

„Í fram­hald­inu er síðan hægt að taka stóra stökkið með stjórn­ar­skrár­breyt­ing­um,“ segir hann og bendir á að þessi leið hafi verið farin í mörgum lönd­um, til að mynda í Skotlandi og Aust­ur­rík­i. 

9.000 manns fá að kjósa

Í grein­ar­gerð með frum­varp­inu segir að það sé lagt fram til að styðja við lýð­ræð­is­þátt­töku ungs fólks og auka tæki­færi þess til að hafa áhrif á sam­fé­lagið sem virkir og ábyrgir þátt­tak­end­ur. „Verði frum­varpið að lögum munu ald­urs­mörk kosn­ing­ar­réttar í sveit­ar­stjórn­ar­kosn­ing­unum 2018 verða við 16 ára aldur í stað 18 ára eins og nú er. Munu þá nærri því 9.000 manns fá tæki­færi til að hafa á kjör­degi áhrif á mik­il­vægar ákvarð­anir sem varða líf þeirra og umhverfi sem ekki njóta þess­ara grund­vall­ar­rétt­inda lýð­ræð­is­ins að óbreyttum lög­um,“ segir í grein­ar­gerð­inn­i. 

Jafn­framt segir að dræm og dvín­andi þátt­taka ungs fólks í kosn­ingum til lög­gjaf­ar­þinga og sveit­ar­stjórna sé víða stað­reynd og valdi áhyggjum af fram­tíð lýð­ræð­is. Þyki líkur til þess að fólk geti orðið afhuga stjórn­mála­þátt­töku og snú­ist af braut lýð­ræð­is­legrar stefnu­mót­unar og ákvarð­ana­töku, þar sem málum er ráðið til lykta með umræðu og síðan kosn­ing­um, ef ekki gef­ist kostur á þátt­töku jafn­skjótt og vit­und ein­stak­lings­ins um áhrifa­mátt sinn og ábyrgð á eigin vel­ferð og sam­fé­lags­ins hefur vakn­að. 

„Að sjálf­sögðu eiga hér einnig við hin almennu sjón­ar­mið um lýð­ræð­is­lega fram­kvæmd, þ.e. að mikil og víð­tæk þátt­taka í kosn­ingum gefi traustasta vit­neskju um vilja borg­ar­anna og því mik­il­vægt að sem allra flestir njóti atkvæð­is­rétt­ar,“ segir enn fremur í grein­ar­gerð­inn­i.