Jóna Sól­veig Elín­ar­dóttir hefur látið af störfum sem vara­for­maður Við­reisn­ar. Hún til­kynnti þetta á Face­book-­síðu sinni í dag. 

Í færsl­unni segir hún ákvörð­un­ina vera kafla­skipti en um miðjan des­em­ber til­kynnti hún stjórn Við­reisnar um þá ákvörðun sína að láta af emb­ætti vara­for­manns. 

„Ákvörð­unin er tekin að vel ígrund­uðu máli en eins og sakir standa, og í ljósi þess að nú er nýr áfangi í lífi mínu að hefjast, tel ég mig ekki geta gefið mig af fullum krafti í emb­ætt­ið,“ segir hún í færsl­unni. Hún tekur þó fram að þetta þýði ekki að hún sé hætt afskiptum af stjórn­málum en telur hún að nú sé rétt að beina athygl­inni tíma­bundið að öðrum verk­efn­um. 

Í sam­tali við Kjarn­ann segir hún að ákvörð­unin hafi ekki verið auð­veld. Henni finn­ist erfitt að vera í verk­efnum ef hún geti ekki gefið sig algjör­lega í þau. Þess vegna hafi hún tekið þessa ákvörð­un. 

Að end­ingu í færslu sinni þakkar hún stjórn flokks­ins, trún­að­ar­mönnum og öllu því fólki sem hefur stutt hana í þessu hlut­verki fyrir sam­starf síð­ast­liðið eitt og hálft ár.