Heims­mark­aðs­verð olíu hefur hækkað hratt og und­an­förnu og fór verðið á tunnu af hrá­olíu á Evr­ópu­mark­aði yfir 70 Banda­ríkja­dali í dag í fyrsta skipti síðan í des­em­ber 2014.

Frá því í júlí í fyrra hefur verðið farið úr 42,5 Banda­ríkja­dölum á tunn­una í 70 í dag.

Flest bendir til þess að olíu­fram­leiðslu­ríkin 14 í Sam­tökum olíu­fram­leiðslu­ríkja, OPEC, muni halda áfram að tak­marka fram­leiðslu og fram­boð olíu, en eft­ir­spurn hefur verið að aukast í heims­bú­skapnum sem hefur leitt til verð­hækk­ana.

OPEC-­þjóð­irnar eru Alsír, Angóla, Ekvador, Íran, Írak, Katar, Kúveit, Líbía, Nígería, Gabon, Gínea, Sam­ein­uðu arab­ísku fursta­dæmin, Sádí-­Ar­abía og Venes­ú­ela.

Aðrir stórir olíu­fram­leið­end­ur, eins og Rúss­land, Nor­eg­ur, Banda­ríkin og Kana­da, hafa boðað frek­ari olíu­leit og fram­leiðslu, en tölu­vert er þó í að ný vinnsla á olíu muni hafa mikil áhrif á heims­mark­að­inn.

Vaknar verð­bólgu­draug­ur­inn?

Í umfjöllun breska rík­is­út­varps­ins BBC segir að þessi hraða hækkun olíu­verðs geti ýtt undir hækkun verð­lags á næst­unni, og þannig stuðlað að meiri verð­bólgu.

Spár gera frekar ráð fyrir að verð fari hækk­andi á næst­unni, þar sem eft­ir­spurn hefur auk­ist í heims­bú­skapn­um.

Ef horft er til Íslands sér­stak­lega, þá hefur Seðla­banki Íslands minnst á það í sínum umfjöll­un­um, meðal ann­ars í Pen­inga­mál­um, að Ísland hafi notið góðs af því að lít­ill verð­bólgu­þrýst­ingu hafi verið utan frá, meðal ann­ars vegna lágs olíu­verðs. Eftir því sem það er hærra, því hærra er verð­lag á ýmsum inn­fluttum vörum og þá hækkar einnig kostn­aður við heim­il­is- og fyr­ir­tækja­rekst­ur.

Mik­ill upp­gangur í ferða­þjón­ust­unni á und­an­förnum árum hefur leitt til þess gengi krón­unnar hefur styrkst, og þannig dregið úr verð­bólgu­þrýst­ingi.

Í tæp­lega fjögur ár hefur verð­bólga á Íslandi verið undir 2,5 pró­sent mark­miði Seðla­banka Íslands en hún mælist nú 1,9 pró­sent. Verð­bólgu­horfur hafa verið sagðar nokkuð góð­ar, en búist er við því að verð­bólga auk­ist á næstu árum og verði komin upp að mark­mið­inu á næsta ári.