Flokksval hjá Samfylkingunni - Heiða Björg sækist eftir öðru sætinu

Samfylkingin mun velja á framboðslista fyrir borgarstjórnarkosningarnar 10. febrúar næstkomandi.

Auglýsing
Heiða Björg Hilmisdóttir
Heiða Björg Hilmisdóttir

Full­trúa­ráð Sam­fylk­ing­ar­innar í Reykja­vík sam­þykkti í morgun að valið yrði á fram­boðs­lista fyrir borg­ar­stjórn­ar­kosn­ingar í vor með flokksvali. Það mun fara fram 10. febr­ú­ar. Dagur B. Egg­erts­son, borg­ar­stjóri í Reykja­vík, hefur þegar gefið það út að hann ætli að bjóða sig fram að nýju og mun nær örugg­lega leiða lista flokks­ins.

Heiða Björg Hilm­is­dótt­ir, vara­for­maður Sam­fylk­ing­ar­innar og borg­ar­full­trúi, hefur þegar til­kynnt að hún sæk­ist eftir stuðn­ingi í 2. sæti fram­boðs­lista flokks­ins. Hún var í sjötta sæti á fram­boðs­lista flokks­ins í kosn­ing­unum árið 2014 og náði ekki kjöri sem aðal­maður í borg­ar­stjórn. Heiða Björg kom hins vegar inn í borg­ar­stjórn þegar Björk Vil­helms­dótt­ir, sem var í 2. sæti á lista flokks­ins í síð­ustu borg­ar­stjórn­ar­kosn­ing­um, ákvað að hætta í stjórn­málum haustið 2015. 

Búist er við því að borg­ar­full­trú­arnir Hjálmar Sveins­son og Skúli Helga­son bjóði sig báðir aftur fram og muni sækj­ast eftir sæti ofar­lega á lista. Þá hefur borg­ar­full­trú­inn Kristín Soffía Jóns­dóttir einnig gefið það út að hún sé að velta áfram­hald­andi fram­boði fyrir sér.

Auglýsing



Meira úr sama flokkiInnlent