Mælst hefur fjölgun jarð­vegs­gerla í kalda vatn­inu Í Reykja­vík. Tvö sýni sem Heil­brigð­is­eft­ir­lit Reykja­víkur tók 12. jan­úar stóð­ust ekki við­mið í reglu­gerð. Frá þessu er greint í frétta­til­kynn­ingu frá Veit­um.

„Í var­úð­ar­skyni mælir Heil­brigð­is­eft­ir­litið með því að neyslu­vatn í vissum hverfum borg­ar­innar sé soðið ef um neyt­endur er að ræða sem eru við­kvæmir t.d. með lélegt ónæm­is­kerfi, unga­börn, aldr­aðir eða fólk með und­ir­liggj­andi sjúk­dóma. Þetta á við um öll hverfi borg­ar­innar nema Graf­ar­vog, Norð­linga­holt, Úlf­arsár­dal, Kjal­ar­nes auk Mos­fells­bæj­ar, sem fá vatn frá öðrum svæðum í Heið­mörk þar sem ekki hefur mælst gerla­fjöldi yfir við­mið­un­ar­mörk­um,“ segir í til­kynn­ing­unni.

Í henni segir enn fremur að lík­leg ástæða fyrir frá­viki í gerla­magni sé mikil hláku­tíð und­an­farið í kjöl­far langs frostakafla. „Við slíkar aðstæður getur yfir­borðs­vatn kom­ist í grunn­vatn og flutt með sér gerla. Ef gerla­magn í bor­holu mælist yfir mörkum er vatns­töku úr henni hætt. En nú er sú staða komin upp að búið er að taka það margar holur úr rekstri Veitna að ekki er hægt að anna vatns­þörf við­skipta­vina ef þær verða fleiri,“ segir í til­kynn­ing­unni.

Því er talin þörf á því að nýta eina holu þar sem fjöldi jarð­vegs­gerla hefur mælst yfir mörk­um. Í þeirri holu hafa ekki fund­ist E. coli gerl­ar.