„Það er dap­ur­legt að fjár­mála­ráð­herra telji að skatta­lækk­anir séu ekki brýn­asta málið nú vegna efna­hags­upp­sveifl­unn­ar.“ Þetta segir Hall­dór Benja­mín Þor­bergs­son, fram­kvæmda­stjóri Sam­taka atvinnu­lífs­ins í grein sem hann birtir á vef sam­tak­anna í dag. Til­efnið eru ummæli Bjarna Bene­dikts­son­ar, fjár­mála- og efna­hags­ráð­herra, á skatta­degi Deloitte, Við­skipta­ráðs og Sam­taka atvinnu­lífs­ins sem fram fór í gær. Þar sagði Bjarni að á tíma hraðrar efna­hags­upp­sveiflu væru almennar skatta­lækk­anir ekki brýn­asta verk­efni stjórn­valda. Því væru ekki áætl­anir um skatta­lækk­anir í kort­un­um.

Í grein sinni segir Hall­dór að á toppi hag­sveiflu eigi að skapa rými til að lækka skatta. Það auð­veldi fólki að greiða niður hús­næð­is­lán og spara til mögru áranna. „ Enn og aftur virð­ast stjórn­mála­menn telja að fjár­munum lands­manna sé betur borgið í þeirra umsjón en hjá þeim sem afla þeirra. Ríki og sveit­ar­fé­lög hafa stundað þenslu­hvetj­andi fjár­mála­stefnu síð­ast­liðin ár, skatt­tekjur hafa þan­ist út í miklum upp­gangi í efna­hags­líf­inu en útgjöld hins opin­bera hafa auk­ist jafn­harð­an.“

Hall­dór segir að það sé dap­ur­legt að Bjarni Bene­dikts­son telji að skatta­lækk­anir nú séu ekki brýn­ar. „Það er mik­il­vægt að minna á að af hverjum 100 krónum sem verða til í efna­hags­líf­inu er 45 krónum ráð­stafað af hinu opin­bera skv. Hag­stofu Íslands. Útsvars­tekjur sveit­ar­fé­laga hafa auk­ist um 53 millj­arða á fjórum árum en hverri krónu er eytt jafn­harð­an. Tekjur af fast­eigna­gjöldum eru sér kap­ít­uli. Staðan er þessi: Nán­ast hvergi innan OECD dregur hefur hið opin­bera hærri skatt­tekjur en á Íslandi. Í núver­andi upp­sveiflu hefur nán­ast engin áhersla verið á aðhald eða for­gangs­röðun í rík­is­rekstri heldur fyrst og fremst á ráð­stöfun þeirra gíf­ur­legu fjár­muna sem hinu opin­bera hefur áskotn­ast.“

Hann segir skila­boð atvinnu­lífs­ins til stjórn­valda ein­föld,  í einni lengstu upp­sveiflu Íslands­sög­unnar þurfi að draga úr útgjöldum til að lækka álögur á lands­menn. „Slík nálgun reynir bæði á fram­tíð­ar­sýni og stefnu­festu. Að halda áfram á sömu braut mun óhjá­kvæmi­lega kalla á sárs­auka­fullan nið­ur­skurð þegar sömu tekju­stofnar drag­ast saman í næstu nið­ur­sveiflu. Rétt‘­upp hönd sá sem trúir því að í nið­ur­sveifl­unni skap­ist dauða­færi til skatta­lækk­ana.“