Skatt­rann­sókna­stjóri gerði hús­leit hjá íslenskum fisk­út­flytj­anda sem grun­aður er um stór­felld skatta­laga­brot, en frá þessu er greint á for­síðu Frétta­blaðs­ins í dag.

Eignir Sig­urðar Gísla Björns­son­ar, frá­kvæmda­stjóra fyr­ir­tæk­is­ins Sæmarks, hafa verið kyrr­settar og banka­reikn­ingar fryst­ir. Upp­hæðir í mál­inu eru sagðar hlaupa á hund­ruð millj­ónum króna.

Málið komst upp vegna hins Pana­ma-­lek­ans, þar sem gögnum var lekið um fjár­festa sem nýttu sér skatta­skjól til að skjóta eignum undan skatta­yf­ir­völd­um.

Emb­ætti skatt­rann­sókn­ar­stjóra hefur haft mál Sig­urðar til með­ferðar frá Pana­ma-­lek­an­um, að því er fram kemur í Frétta­blað­inu, þar sem meðal ann­ars kom fram að ­Sig­urður Gísli hefði stofnað félag­ið Freezing Point Corp í Pana­ma árið 2009.

Frétta­blað­ið ­segir að hann sé grun­að­ur­ um skatt­svik í gegnum fleiri en eitt félag. Skatt­rann­sókn­ar­stjóri fram­kvæmdi hús­leit­ina á heim­ili hans á Arn­ar­nes­inu í Garða­bæ. 

Sig­urður er einn eig­enda fjár­fest­ing­ar­fé­lags­ins Óska­beins sem er meðal ann­ars stór hlut­hafi í trygg­inga­fé­lag­inu VÍS og Korta­þjón­ust­unni