Í skýrslu pen­inga­stefnu­nefndar til Alþingis, sem birt hefur verið á vef Seðla­bank­ans, kemur fram að þörf sé á miklu aðhaldi í rík­is­fjár­mál­unum á næst­unni. Tölur þjóð­hags­reikn­inga frá því í des­em­ber hafi sýnt meiri spennu í hag­kerf­inu, og meiri vöxt eft­ir­spurn­g­ar, en búist hafði verið við í nóv­em­ber­spá bank­ans. „Nefnd­ar­menn voru einnig sam­mála um að aðhaldið þyrfti að vera meira en ella slakni á aðhaldi í rík­is­fjár­málum á þessu ári miðað við það sem gert var ráð fyrir í nóv­em­ber. Voru nefnd­ar­menn sam­mála um að pen­inga­stefnan myndi á kom­andi miss­erum ráð­ast af fram­vindu efna­hags­mála, þ.m.t. stefn­unni í opin­berum fjár­málum og nið­ur­stöðu kjara­samn­inga.“

Í skýrsl­unni er enn fremur fjallað um verð­bólgu­horf­ur, og gerir spá Seðla­bank­ans ráð fyrir að verð­bólgan þok­ist upp á við á næstu miss­erum í átt að 2,5 pró­sent verð­bólgu­mark­að­inu, en verð­bólga mælist nú 1,9 pró­sent. Meg­in­vextir bank­ans eru nú 4,25 pró­sent.

Það sem helst hefur haldið lífi í verð­bólg­unni, ef svo má segja, er mikil hækkun hús­næð­is­verðs á síð­ustu árum. Merki hafa þó komið fram um það að und­an­förnu, að það sé tekið að hægja á verð­hækk­un­um, en á und­an­förnu ári hefur hús­næð­is­verð hækkað um tæp­lega 13 pró­sent. Í júlí í fyrra var hækk­unin á ári rúm­lega 20 pró­sent, sem þá var mesta og hrað­asta hækkun hús­næð­is­verðs meðal þró­aðra ríkja í heim­in­um.

Atvinnu­leysi mælist nú 2 til 3 pró­sent, og virð­ist mikil spenna á vinnu­mark­aði. Það er vöntun á vinnu­afli víða, ekki síst í bygg­ing­ar­geir­anum og í ferða­þjón­ustu.

Í skýrslu pen­inga­stefnu­nefndar er enn fremur fjallað um þróun mála þegar kemur að almennu verð­lagi. Er því meðal ann­ars velt upp hvort aukin sam­keppni í verslun hafi haft áhrif á verð­lags­þró­un. „Aukin sam­keppni við net­verslun og inn­koma alþjóð­legra smá­sölurisa á inn­lendan smá­sölu­markað kunna að hafa dregið eitt­hvað úr áhrifum geng­is­lækk­unar krón­unnar sl. sumar á verð­lag. Verð inn­lendrar vöru hafði í des­em­ber hækkað um 1% milli ára en hafði lækkað um 1,6% milli ára í júní sl. Inn­lendur verð­bólgu­þrýst­ingur hefur því auk­ist á þann mæli­kvarða að und­an­förn­u,“ segir í skýrsl­unni.

Í pen­inga­stefnu­nefnd­inni eru Már Guð­munds­son, seðla­banka­stjóri og for­mað­ur, Arnór Sig­hvats­son, aðstoð­ar­seðla­banka­stjóri, Þór­ar­inn G. Pét­urs­son, aðal­hag­fræð­ing­ur, Gylfi Zoega, pró­fessor í hag­fræði við HÍ, og Katrín Ólafs­dótt­ir, lektor í hag­fræði við HR.