Stjórn stétt­ar­fé­lags­ins VR skoð­ar­ hvort rétt sé að láta reyna á að ­fé­lagið gangi úr Alþýðu­sam­band­i Ís­lands (ASÍ) án þess að bera það und­ir­ ­fé­lags­menn VR í alls­herj­ar­at­kvæða­greiðslu. 

Frá þessu er greint í Frétta­blað­inu í dag, og segir Ragnar Þór Ing­ólfs­son, for­maður VR, frá þessu í sam­tali við blað­ið.

Hann seg­ist búast við því að látið yrði reyna á málið fyrir félags­dómi. Ragnar segir að VR sé aðili að ASÍ í gegnum aðild að Lands­sam­band­i versl­un­ar­manna. „Það eina ­sem við þurfum að gera er að segja okkur úr Lands­sam­band­inu og þá ­segjum við okkur sjálf­krafa úr ASÍ. ­Stjórnin getur ákveðið þá úrsögn.“ 

Hann segir þó að lög ASÍ geri ráð ­fyrir að aðild­ar­fé­lög þurfi að efna til alls­herj­ar­at­kvæða­greiðslu til að ­segja sig úr sam­band­inu. „Þarna er á­grein­ings­mál og við erum að hugs­a um að láta reyna á það fyrir félags­dómi,“ ­segir Ragn­ar. 

Málið verð­i ­skoðað á trún­að­ar­ráðs­fundi sem verði lík­lega í mars eða apr­íl. Ragnar segir að VR greiði Lands­sam­band­i versl­un­ar­manna og ASÍ um 150 millj­ónir á ári. „Ég sé enga á­stæðu til að vera að borga nánast helm­ing­inn af rekstr­arfé Alþýðu­sam­bands­ins og halda því upp­i­ þegar mér finnst það vera að vinna á móti hags­munum launa­fólks. Þá ­spyrjum við okkur hvað getum við ­fengið fyrir þessar 150 millj­ón­ir. ­Getum við ráðið inn auka lög­fræð­inga og farið í meiri neyt­enda­vernd og eflt okkar þjón­ustu og okk­ar ­sjóð­i?,“ segir Ragnar Þór í sam­tali við Frétta­blað­ið.

Í VR eru 33 þús­und félags­menn, en Ragnar Þór vann yfir­burða­sigur í for­manns­kosn­ingu í fyrra, með tæp­lega 63 pró­sent atkvæða.