Hluta­bréfa­verð hrundi á alþjóða­mörk­uðum í dag, víð­ast hvar um 3 til 5 pró­sent. Eins og oft, þegar svona mikil dag­sveifla verð­ur, er eru margar skýr­ingar nefndar fyrir fall­inu, sem enn er við­var­andi þegar þetta er skrifað (21:32). 

Á vef Wall Street Journal og BBC kemur fram að fjár­festar hafi brugð­ist hratt við yfir­lýs­ingum Eng­lands­banka (Bank Of England) þess efnis að vextir yrðu hugs­an­lega hækk­aðir hraðar en áður hafði verið búist við, og að verð­bólga kunni að vaxa á næst­unn­i. 

Verð á hrá­olíu féll einnig tölu­vert, en það hefur lækkað um 2,3 pró­sent í dag á Banda­ríkja­mark­aði og er nú tunnan nú komin í 60 Banda­ríkja­dali.

Eins og á föstu­dag­inn í síð­ustu viku og á mánu­dag, þegar hluta­bréf lækk­aði með skörpum hætti, þá hefur mesta lækk­unin verið í Banda­ríkj­un­um. Svo virð­ist sem fjár­festar séu nú margir hverjir farnir að búa sig undir það, að „logn­ið“ sem seðla­bankar hafa veitt hag­kerfum og verð­bréfa­mörk­uðum á und­an­förnum tíu árum, með því að halda vöxtum niðri og stuðla að miklu magni fjár­magns í umferð, sé nú á för­u­m. 

Í umfjöllun Wall Street Journal segir að ráð­gjafar innan banka í Banda­ríkj­unum hafi gefið fjár­festum út þau skila­boð að halda ró og taka ekki ákvarð­anir á grund­velli skarpra dag­sveiflna á mark­að­i. 

Þessar sveiflur nú ættu ekki að koma mörgum á óvart, í ljósi mik­ils upp­gangs á hluta­bréfa­mörk­uðum á und­an­förnum árum. Ekki aðeins á und­an­förnu ári, heldur í reynd allt frá því að við­spyrnan hófst á fjár­mála­mörk­uðum eftir hrunið 2007 til 2009. 

Aðgerðir seðla­banka, ekki síst í Banda­ríkj­un­um, Bret­landi og Evr­ópu, hafa haft víð­tæk áhrif á gang efna­hags­mála og þróun á verð­bréfa­mörk­uð­u­m. 

Á sum­ar­mán­uðum í fyrra sagði Jamie Dimon, for­stjóri JP Morgan bank­ans, meðal ann­ars að „eng­inn hefði hug­mynd um“ hvað myndi ger­ast, þegar íhlutun seðla­banka á mark­aði myndi minnka og hefð­bundið ástand mynd­ast á mark­aði á nýjan leik. Um það væri algjör óvissa.