Þolandi ósátt við traust ráðherra á aðstoðarmanni

Ólöf Rún Ásgeirsdóttir, þolandi í kynferðisbrotamáli, segist hafa upplifað það sem sjálfstætt brot þegar lögmaður hennar og nú aðstoðarmaður ráðherra hafi ekki greitt henni út miskabætur fyrr en hún leitaði sér aðstoðar annars lögmanns við innheimtuna.

Sif Konráðsdóttir aðstoðarmaður og Guðmundur Ingi Guðbrandsson umhverfisráðherra.
Sif Konráðsdóttir aðstoðarmaður og Guðmundur Ingi Guðbrandsson umhverfisráðherra.
Auglýsing

Ólöf Rún Ásgeirs­dótt­ir, þol­andi í kyn­ferð­is­brota­máli, seg­ist hafa upp­lifað það sem sjálf­stætt brot þegar Sif Kon­ráðs­dóttir þá rétt­ar­gæslu­maður henn­ar, nú aðstoð­ar­maður umhverf­is­ráð­herra, hafi ekki greitt henni miska­bætur sem henni voru dæmdar vegna máls­ins. Ólöf þurfti að leita sér aðstoðar ann­ars lög­manns til að inn­heimta bæt­urnar sem á end­anum feng­ust greidd­ar.

Erfitt ferli

Í sam­tali við Kjarn­ann segir Ólöf Rún sögu sína. Hún ólst upp á Stykk­is­hólmi þar sem hún var beitt kyn­ferð­is­of­beldi af kenn­ara sín­um. „Hann var líka að þjálfa mig í körfu­bolta. Hann byrj­aði að hafa sam­band við mig í gengum sms skila­boð, ætl­aði að senda á vin sinn en sendi „óvart“ á mig. Upp úr því fórum við að vera í miklu sam­bandi sem þró­að­ist út í kyn­ferð­is­legt sam­band,“ segir Ólöf.

Síðar stóð til að kenn­ar­inn yrði gerður að umsjón­ar­kenn­ara Ólafar. Átti meðal ann­ars að fara með bekk­inn í utan­lands­ferð en þá kom í ljós að þær voru fleiri stúlk­urnar sem hann átti í sam­skiptum við með þeim hætti sem hann síðar var dæmdur fyr­ir.

Auglýsing

„Við fórum og töl­uðum við skóla­stjór­ann og síðan við for­eldra okk­ar. Þau lögðu fram kæru fyrir okkar hönd.“ Í kjöl­farið tók við ferli sem Ólöf segir hafa verið afar erfitt. „Stykk­is­hólmur er lít­ill bær, við fengum stundum ekki afgreiðslu, það var bloggað um okk­ur, þetta var á þeim tíma sem allir voru að blogga, alls konar nafn­laus komment og sms. Þetta var ógeð,“ segir Ólöf Rún. Þetta hafi allt saman skilað sér í félags­legri ein­angr­un, kvíða og á end­anum til­raun til sjálfs­morðs. Hún á enn í dag erfitt með félags­legar teng­ingar og segir hún þessa upp­lifun lita sam­skipti hennar við hitt kyn­ið. Hún seg­ist enn­fremur þurfi mikla stað­fest­ingar á félags­legu sam­þykki þeirra sem hún er í kring­um.

Bæt­urnar stað­fest­ing á tjóni

Mað­ur­inn var í upp­hafi árs 2005 dæmdur fyrir brot sín og gert að greiða Ólöfu og annarri stúlku miska­bæt­ur. Dóm­ur­inn var að mestu stað­festur í Hæsta­rétti og bætur til þeirra hækk­að­ar.

„Ég man að ég var svo reið á sínum tíma og mig lang­aði ekki í neinar bæt­ur. Þær myndu ekki breyta neinu. En svo var mér sagt að þær væru það eina sem ég gæti beðið um til að sýna fram á að ég hefði orðið fyrir ein­hverjum skaða. Þannig að við sóttum um bætur og fengum þær dæmd­ar.“

Ólöf og hin stúlkan voru börn að aldri þegar þær urðu fyrir brot­unum og eins þegar dómur féll og þeim voru dæmdar bæt­urn­ar. Það voru því for­eldrar þeirra sem sóttu málið fyrir þeirra hönd.

En bæt­urnar skil­uðu sér ekki frá rétt­ar­gæslu­mann­in­um. For­eldrar Ólafar leit­uðu á end­anum til lög­manns á annarri lög­manns­stofu til að freista þess að fá þær greidd­ar, sem síðar varð eftir dúk og disk.

Var kærð til Lög­manna­fé­lags­ins

Og Ólöf var ekki sú eina sem lenti í því. Sif var árið 2008 kærð til Lög­manna­fé­lags­ins fyrir annað mál, þar sem hún greiddi öðru barni sem hún sinnti rétt­ar­gæslu fyrir ekki bætur sem því var dæmt í Hæsta­rétti. Vísir fjall­aði ítar­lega um málið árið 2008 þar sem fram kemur að þegar reynt var að sækja bæt­urnar hafi Sif verið flutt búferlum til Belgíu þar sem hún hafði tekið við starfi sér­fræð­ings á rík­is­að­stoð­ar­sviði Eft­ir­lits­stofn­unar EFTA í Brus­sel. Björn Bergs­son, þá lög­fræð­ingur á Mandat lög­manns­stofu, sagði róðarí hafa verið á rekstri Sifjar en hann sá um frá­gang á bók­haldi og rekstri hennar eftir að hún flutti út. Hann fékk Sif á end­anum til að senda pen­ing sem hann greiddi út til aðil­anna sem um ræddi, þar á meðal Ólafar, og kæran hjá Lög­manna­fé­lag­inu var í kjöl­farið dregin til baka.

„Í minn­ing­unni minni var þetta bara þannig að það vildi eng­inn lög­mann­anna tengj­ast þessu, vildu bara klára þetta og ég veit ekk­ert hvaðan þessir pen­ingar eru raun­veru­lega komn­ir,“ segir Ólöf.

Sjálf­stætt brot að greiða ekki út bæt­urnar

Ólöf segir að hún hafi upp­lifað það sem annað sjálf­stætt brot þegar hún síðan fékk ekki þessar tak­mörk­uðu bætur sem henni voru dæmdar greidd­ar.

„Mér fannst hún með þessu gera svo lítið úr brot­inu, þetta litla sem við fengum að geta ekki borgað okkur þetta strax. Ef ég myndi stela úr fyr­ir­tæk­inu sem ég er að vinna hjá, en seint og síðar meir borga það til baka, þá fengi ég ekk­ert að halda vinn­unn­i.“

Í við­tali Guð­mundar Inga Guð­brands­sonar umhverf­is­ráð­herra við Vísi kemur fram að honum sé ekki kunn­ugt um hvaðan þeir fjár­munir komu sem voru greiddir til skjól­stæð­inga Sifj­ar. Hann sagð­ist hafa þær heim­ildir að þetta hafi verið greitt af reikn­ingum hérna heima sem hann standi í trú um að séu þessir svoköll­uðu fjár­vörslu­reikn­ing­ar, en ekki fengið það stað­fest. Í umfjöllun Vísis frá árinu 2008, sem fjall­aði eins og fyrr segir um annað mál en Ólafar, segir að hvorki Björn né aðrir sem rætt var við vegna máls­ins hafi getað stað­fest að pen­ing­arnir sem Sif milli­færði frá Belgíu hafi verið frá henni per­sónu­lega eða bæt­urnar sé komu inn á fjár­vörslu­reikn­ing lög­mann­stofu henn­ar. Ingi­mar Ingi­mars­son, fram­kvæmda­stjóri Lög­manna­fé­lags­ins, stað­festi á sínum tíma að Sif hefði skilað inn lög­manns­rétt­indum sínum áður en hún flutti til Belg­íu.

Óvíst hvaðan pen­ing­arnir koma

Ólöf segir það ekki rétt­læta verkn­að­inn þó hún hafi á end­anum fengið pen­ing­ana greidda. Hún segir þetta skipta hana máli. „Ég veit ekk­ert hvaða pen­ingar þetta voru. Ég vildi bara fá mína pen­inga. Þetta var tákn­rænt fyrir mig.“

Ólöfu seg­ist hafa brugðið þegar hún sá að Sif væri orðin aðstoð­ar­maður ráð­herra. „Það bara snapp­aði eitt­hvað inn í mér,“ segir Ólöf og seg­ist upp­lifa þá stöðu sem van­virð­ingu fyrir því sem hún hafi orðið fyr­ir.

Og hún setur spurn­inga­merki við að Sif njóti fulls trausts. Í frétt Vísis frá 10. febr­úar síð­ast­liðnum seg­ist umhverf­is­ráð­herra hafa vitað af mál­inu áður en Sif var ráðin til starfa. „Full­viss­aði hún mig um það að þarna væri væri mál sem var gengið frá á sínum tíma,“ sagði Guð­mundur við Vísi. Hann sagði það leið­in­legt ef þetta mögu­lega ýfði upp ein­hverjar til­finn­ingar hjá brota­þol­anum en að Sif njóti trausts í starfi.

„Mér finnst þetta bara hrika­legt. Hún er að vinna fyrir mig. Hún er að vinna fyrir rík­is­stjórn­ina mína. Þetta væri annað ef hún væri bara að vinna ein­hvers staðar sem lög­fræð­ing­ur, ekki lög­maður eða í opin­beru starfi. Fyrir mér gengur það bara ekki upp að hún sé að sinna ein­hverjum ábyrgð­ar­störfum fyrir fólk. Það er ekki oft sem ég stend upp fyrir sjálfri mér en nú vil ég gera það,“ segir Ólöf.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Kristbjörn Árnason
Eigingirni - spilling - vald
Leslistinn 3. ágúst 2020
Guðmundur Hauksson
Jóga er meira en bara teygjur og stellingar
Kjarninn 3. ágúst 2020
Inga Dóra Björnsdóttir
Heimsmaðurinn Halldór Kiljan Laxness, sem aldrei varð frægur og ríkur í Ameríku
Kjarninn 3. ágúst 2020
Tekjur Kjarnans jukust og rekstrarniðurstaða í takti við áætlanir
Rekstur Kjarnans miðla, útgáfufélags Kjarnans, skilaði hóflegu tapi á árinu 2019. Umfang starfseminnar var aukið á því ári og tekjustoðir hafa styrkst verulega síðustu misseri.
Kjarninn 3. ágúst 2020
Þórólfur Guðnason sóttvarnalæknir.
Þórólfur: „Jújú, það er önnur bylgja hafin“
Sóttvarnalæknir segir að það sé hægt að sammælast um að kalla það ástand sem Ísland stendur frammi fyrir nýja bylgju. Það segi sig sjálft að aukning sé á tilfellum. Landlæknir segir tækifærið til að ráða niðurlögum ástandsins vera núna.
Kjarninn 3. ágúst 2020
Til stendur að breyta rukkun fargjalda í strætó með þeim hætti að sala fargjalda verður einungis utan vagna.
Hægt verður að leggja févíti á þá farþega sem borga ekki í strætó
Fyrirhugaðar eru breytingar á fyrirkomulagi fargjalda í Strætó sem mun leiða til þess að sala fargjalda verður ekki lengur í boði í vögnunum sjálfum. Farþegar sem greiða ekki fargjald, eða misnota kerfið með öðrum hætti, verða beittir févíti.
Kjarninn 3. ágúst 2020
Átta ný innanlandssmit og fjölgar um yfir hundrað í sóttkví
Af 291 sýni sem greint var á sýkla- og veirufræðideild Landspítala í gær reyndust átta jákvæð. Alls eru nú 80 í einangrun og 670 í sóttkví.
Kjarninn 3. ágúst 2020
Ávöxtur olíupálma. Úr kjarnanum er unnin ljós, gegnsæ pálmaolía en einnig er hægt að vinna svokallaða rauða pálmaolíu úr ávextinum sjálfum.
Yfirvöld í Malasíu reyna að bæta ímynd pálmaolíu
„Pálmaolía er guðsgjöf“ er slagorð sem yfirvöld í Malasíu ætla að nota til að reyna að lappa upp á ímynd pálmaolíunnar. Ræktun pálmaolíu ógnar lífríki í regnskógum víða um heim og hefur varan mætt andstöðu til að mynda í Evrópu.
Kjarninn 3. ágúst 2020
Meira úr sama flokkiInnlent