Arion banki hefur sam­þykkt að kaupa 9,5 pró­sent hlut í sjálfum sér af Kaup­skil­um, félagi í eigu Kaup­þings, stærsta eig­anda bank­ans. Um er að kaup á eigin bréfum í sam­ræmi við ákvörðun hlut­hafa­fundar sem haldin var á mánu­dag. Þá var sam­þykkt að bank­inn geti greitt allt að 25 millj­arða króna út í arð. Til frá­dráttar kæmu kaup á eigin bréf­um. Heild­ar­upp­hæð við­skipt­anna sem nú eru frá­gengin er 17,1 millj­arður króna. Arð­greiðslan sem kemur til við­bótar þessu verður því 7,9 millj­arðar króna.

Kjarn­inn hefur fjallað ítar­lega um þær miklu vær­ingar sem eru í eign­ar­haldi Arion banka nú um stund­ir. Hann greindi meðal ann­ars frá því á þriðju­dag að Kaup­þing ætl­aði að virkja for­kaups­rétt á hlut rík­is­ins í Arion banka, sem er 13 pró­sent, í sam­ræmi við sam­komu­lag sem gert var árið 2009, þegar Arion banki var fjár­magn­að­ur. Banka­sýsla rík­is­ins sendi frá sér til­kynn­ingu í morgun þar sem nýt­ing kaup­rétt­ar­ins var stað­fest. Banka­sýslan mun nú taka málið til skoð­unar og leggja fyrir ráð­herra­nefnd um efna­hags­mál og end­ur­skipu­lagn­ingu fjár­mála­kerf­is­ins, sem í sitja Katrín Jak­obs­dótt­ir, for­­sæt­is­ráð­herra, Bjarni Bene­dikts­son, fjár­mála- og efna­hags­ráð­herra, og Lilja Dögg Alfreðs­dótt­ir, mennta- og menn­ing­­ar­­mála­ráð­herra.

Á þriðju­dags­kvöld fór líka fram langur stjórn­ar­fundur í Kaup­þingi. Sam­kvæmt heim­ildum Kjarn­ans stóð hann fram á nótt.  Nið­ur­staða hans var meðal ann­ars sú að tveir af erlendum hlut­höfum bæði Kaup­þings og Arion banka, Attestor Capi­tal og fjár­fest­ing­ar­bank­inn Gold­man Sachs, myndu kaupa 2,8 pró­sent hlut í Arion af Kaup­þingi til við­bótar við það sem þeir áttu. Auk þess keyptu rúm­lega 20 sjóðir í stýr­ingu fjög­urra af stærstu sjóðs­stýr­ing­ar­fyr­ir­tækjum Íslands: Stefn­is, Íslands­sjóða, Lands­bréfa og Júpít­er, sam­tals 2,54 pró­sent hlut. Sam­an­lagt kaup­verð var um 9,5 millj­arðar króna. Ástæða þess að sú sala var keyrð í gegn í gær er ein­föld: þá var hægt að miða kaup­verðið við níu mán­aða upp­gjör Arion banka. Miðað við það er verðið sem greitt var fyrir 0,805 krónur á hverja krónu af eigin fé sem bank­inn á. Ef verðið hefði farið niður fyrir 0,8 krónur hefði for­kaups­réttur rík­is­ins á hlutnum virkj­ast. Ef við­skiptin hefðu farið fram í gær, mið­viku­dag­inn 14. febr­ú­ar, þá hefði verðið farið undir þau mörk. Þá birti Arion banki árs­upp­gjör sitt.

Þessir aðil­ar, sem keyptu hlut í Arion banka á þriðju­dag, fá hlut í arð­greiðslu/end­ur­kaupum Arion banka á eigin hluta­fé. Þeir fá því sam­tals um 1,3 millj­arða króna greidda út.

Arion birti, líkt og áður sagði, upp­gjör sitt í gær. Þar kom fram að hagn­aður sam­­stæðu Arion banka á árinu 2017 hafi numið 14,4 millj­­örðum króna sam­an­­borið við 21,7 millj­­arða króna árið 2016. Arð­­semi eigin fjár var 6,6 pró­sent en var 10,5 pró­sent á árinu 2016.