Vísi­tala íbúða­verðs hækk­aði um eitt pró­sent milli mán­aða í jan­ú­ar. 

Um er að ræða mestu hækkun vísi­tölu íbúða­verðs milli mán­aða síðan í maí í fyrra, en þá hækk­aði íbúða­verð um 1,8 pró­sent milli mán­aða. Árs­hækkun hækkun íbúða­verðs mælist nú 12,8 pró­sent. 

Vísi­tala íbúða­verðs hefur nú hækkað tvo mán­uði í röð eftir að hafa lækkað milli mán­aða í nóv­em­ber, að því er segir í til­kynn­ingu frá Íbúða­lána­sjóði. „Und­an­farin þrjú ár hefur vísi­tala íbúða­verðs að með­al­tali hækkað um 0,99% milli mán­aða og er mán­að­ar­hækk­unin nú því í takt við með­al­tal und­an­far­inna þriggja ára. Síðan mæl­ingar hófust árið 1994 hefur vísi­tala íbúða­verðs hins vegar hækkað að með­al­tali um 0,63% milli mán­aða,“ segir í umfjöllun Íbúða­lána­sjóðs.

Hækkun fast­eigna­verðs á höf­uð­borg­ar­svæð­inu, und­an­farin ár, hefur verið mikil og ör, í alþjóð­legum sam­an­burði. Tölu­verðrar spennu hefur gætt á mark­aðn­um, þar sem mikil vöntun er á íbúð­um. Á næstu árum er gert ráð fyrir að þús­undir íbúða muni koma út á markað til að mæta auk­inni eft­ir­spurn.