Rúmlega sjö af hverjum tíu vilja að Sigríður Á. Andersen segi af sér

Tæplega fjórði hver Sjálfstæðismaður vill að Sigríður Á. Andersen segi af sér embætti. Yfirgnæfandi stuðningur er við afsögn hennar hjá kjósendum hinna stjórnarflokkanna, Vinstri grænna og Framsóknarflokks.

Sigríður Á. Andersen
Auglýsing

72,5 pró­sent lands­manna vilja að Sig­ríður Á. And­er­sen dóms­mála­ráð­herra segi af sér emb­ætti. Þetta kemur fram í könnun sem Mask­ína vann fyrir Stund­ina. Svar­endur voru 858 tals­ins og 88,7 pró­sent þeirra tóku afstöðu til­spurn­ing­ar­inn­ar.

Spurt var „Finnst þér að Sig­ríður Á. And­er­sen dóms­mála­ráð­herra eigi að segja af sér ráð­herra­dómi eða á hún að sitja áfram sem dóms­mála­ráð­herra?“

[links[Líkt og áður sagði svör­uðu 72,5 pró­sent þeirra sem svör­uðu spurn­ing­unni á þann hátt að Sig­ríður ætti að segja af sér. 27,5 pró­sent taldi að hún ætti að sitja áfram.

Kjós­endur Sjálf­stæð­is­flokks og Mið­flokks skera sig úr í stuðn­ingi við Sig­ríði. Ein­ungis 23 pró­sent Sjálf­stæð­is­manna vilja að hún segi af sér og 44 pró­sent kjós­enda Mið­flokks­ins. Athygli vekur að 72 pró­sent kjós­enda Fram­sókn­ar­flokks og 92 pró­sent kjós­enda Vinstri grænna vilja afsögn Sig­ríð­ar, en flokk­arnir tveir mynda rík­is­stjórn­ina sem Sig­ríður situr í, ásamt Sjálf­stæð­is­flokkn­um. Nær allir kjós­endur Sam­fylk­ingar og Pírata eru þeirrar skoð­unar að Sig­ríður eigi að segja af sér og 72 pró­sent kjós­enda Flokks fólks­ins telja að af því eigi að verða.

Fólk með heim­il­is­tekjur yfir 1,2 millj­ónir króna á mán­uði er ólík­leg­ast til að vilja afsögn Sig­ríð­ar, en 64 pró­sent þeirra vilja að hún hætti. Sá tekju­hópur sem vill helst að hún segi af sér er sá sem er með á milli milljón og 1.119 þús­und krónur í heim­il­is­tekjur á mán­uði, en 79 pró­sent þess hóps er þeirrar skoð­un­ar.

Yngra fólk og konur vilja frekar að Sig­ríður segi af sér en það eldra og karl­ar. Mestur stuðn­ingur við afsögn Sig­ríðar er á Norð­ur­landi (78 pró­sent) en minnstur á Aust­ur­landi (65 pró­sent). Engin mæl­an­legur munur er á afstöðu fólks til máls­ins eftir mennt­un.

Braut gegn ákvæðum stjórn­­­sýslu­laga

Meg­in­á­stæða þess að Sig­ríður er undir pressu um að segja af sér er Lands­rétt­ar­málið svo­kall­aða. Hún­ á­kvað að víkja frá hæfn­is­mati dóm­­­­nefndar um skipun 15 dóm­­­­ara í Lands­rétt í lok maí 2017. Þess í stað ákvað Sig­ríður að til­­­nefna fjóra ein­stak­l­inga dóm­­ara sem nefndin hafði ekki metið á meðal 15 hæf­­ustu og þar af leið­andi að skipa ekki fjóra aðra sem nefndin hafði talið á meðal þeirra hæf­­ustu. Alþingi sam­­þykkti þetta í byrjun júní 2017.

Auglýsing
Ást­ráður Har­alds­­­son og Jóhannes Rúnar Jóhanns­­­son, sem urðu báðir af dóm­­­ara­­­sæti í Lands­rétti vegna ákvörð­unar Sig­ríð­­­ar, stefndu rík­­­inu vegna ákvörð­unar Sig­ríð­­ar. Hæst­i­­réttur komst að þeirri nið­­ur­­stöðu í des­em­ber að Sig­ríður hafi brotið gegn stjórn­­­sýslu­lögum þegar hún ákvað að fara gegn áliti dóm­­nefnd­­ar­inn­­ar. Í gær birti Stundin svo gögn sem sýna að sér­­fræð­ingar stjórn­­­ar­ráðs­ins höfðu varað ráð­herr­ann við því að svona gæti far­ið.

Þeir eru báðir starf­andi lög­­­­­menn og lögðu ekki fram nein gögn sem gátu sýnt fram á fjár­­­hagstjón vegna ákvörð­unar ráð­herra. Skorað var á þá fyrir dómi að leggja fram skatt­fram­­­töl og þar með upp­­­lýs­ingar um tekjur sínar þannig að unnt væri að taka afstöðu til þess hvort þeir hefðu beðið „fjár­­­tjón vegna þeirra ákvarð­ana dóms­­­mála­ráð­herra sem um ræðir í mál­in­u“. Hvor­ugur þeirra gerði slíkt og þess vegna var íslenska ríkið sýknað af við­­­ur­­­kenn­ing­­­ar­­­kröfu um fjár­­­tjón. Íslenska rík­­inu var hins vegar gert að greiða þeim miska­bæt­­ur.

Gætu átt háar bóta­­kröfur

Tveir aðrir menn sem voru á lista dóm­­­nefndar yfir þá sem átti að skipa dóm­­­ara höfð­uðu ekki mál. Annar þeirra, Jón Hösk­­­ulds­­­son hér­­­aðs­­­dóm­­­ari, sendi hins vegar kröfu á íslenska ríkið eftir að dómur Hæsta­réttar lá fyrir þar sem hann krafði það um skaða- og miska­bætur vegna skip­unar í Lands­rétt. Þeirri kröfu var ekki svarað og Jón hefur nú höfðað mál.

Jón krefst þess að fá bætt mis­­­mun launa, líf­eyr­is­rétt­inda og ann­­­arra launa­tengdra rétt­inda dóm­­­ara við Lands­rétt ann­­­ars vegar og hér­­­aðs­­­dóm­­­ara hins veg­­­ar. Jón krefst þess að fá þennan mun greiddan út starfsævi sína, eða í níu ár. Lands­rétt­­­ar­­­dóm­­­arar fá 1,7 millj­­­ónir króna í laun á mán­uði en hér­­­aðs­­­dóm­­­arar 1,3 millj­­­ónir króna.

Kjarn­inn greindi frá því 23. jan­úar að Eiríkur hefði einnig ákveðið að stefna rík­in­u. Hann er, líkt og áður sagði, pró­­­­fessor við laga­­­­deild Háskóla Íslands. Hann er fæddur árið 1977 og er því fer­tugur að aldri. Eiríkur á því um 27 ár eftir á vinn­u­­­­mark­aði miðað við hefð­bund­inn eft­ir­­­­launa­ald­­­­ur. Sam­­­­kvæmt upp­­­­lýs­ingum á heima­­­­síðu félags pró­­­­fess­ora ætti Eiríkur að vera með á bil­inu 659.683 til 727.572 krónur í mán­að­­­­ar­­­­laun.

Það er um einni milljón króna frá þeim mán­að­­­­ar­­­­launum sem hann hefði haft sem dóm­­­­ari við Lands­rétt.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Chanel Björk Sturludóttir, Elinóra Guðmundsdóttir og Elínborg Kolbeinsdóttir.
Markmiðið að auka skilning á veruleika kvenna af erlendum uppruna á Íslandi
Chanel Björk, Elinóra og Elínborg safna nú á Karolina Fund fyrir bókinni Hennar rödd: Sögur kvenna af erlendum uppruna á Íslandi.
Kjarninn 22. maí 2022
Kristín Ása Guðmundsdóttir
Illa fengin vatnsréttindi og ósvaraðar spurningar um Hvammsvirkjun í Þjórsá
Kjarninn 22. maí 2022
Einar kveðst þurfa að íhuga stöðuna sem upp er komin.
Einar ætlar að ræða við baklandið um eina möguleikann í stöðunni
Einar Þorsteinsson oddivit Framsóknarflokksins í Reykjavík segir aðeins einn meirihluta mögulegan í ljósi yfirlýsingar oddvita Viðreisnar um að ekki komi annað til greina en að virða bandalagið við Samfylkinguna og Pírata.
Kjarninn 22. maí 2022
Þórdís Lóa segir Viðreisn vilji láta á bandalagið reyna með því að hefja formlegar meirihlutaviræður með Framsóknarflokknum.
Vill hefja formlegar meirihlutaviðræður með Framsóknarflokknum
Oddviti Viðreisnar í Reykjavík segir flokkinn vera í bandalagi með Pírötum og Samfylkingu af heilum hug og vill láta á það reyna með því að hefja formlegar meirihlutaviðræður með Framsóknarflokknum.
Kjarninn 22. maí 2022
Silja Bára var gestur í Silfrinu á RÚV þar sem hún sagði óásættanlegt að senda eigi 300 flóttamenn frá Íslandi til Grikklands á næstu misserum.
Útlendingastefnan elti þá hörðustu í hinum Norðurlöndunum
Silja Bára Ómarsdóttir stjórnmálafræðingur og nýkjörinn formaður Rauða krossins á Íslandi segir óásættanlegt að flóttafólki sé mismunað eftir uppruna og að verið sé að taka upp á Íslandi útlendingastefnu sem elti hörðustu stefnur annarra Norðurlanda.
Kjarninn 22. maí 2022
Blikastaðalandið sem var í aðalhlutverki í ólögmætri einkavæðingu ríkisfyrirtækisins
Nýverið var tilkynnt um stórtæka uppbyggingu á jörðinni Blikastöðum, sem tilheyrir Mosfellsbæ. Þar á að byggja þúsundir íbúða og fjölga íbúum bæjarins um tugi prósenta. Þetta er ekki í fyrsta sinn sem áform hafa verið uppi um uppbyggingu þar.
Kjarninn 22. maí 2022
Liðsmenn úkraínsku þjóðlagarappsveitarinnar Kalush Orchestra, sem unnu Eurovision um síðasta helgi, voru mættir til úkraínsku borgarinnar Lviv þremur dögum eftir sigurinn.
Ógjörningur að hunsa pólitíkina í Eurovision
Sigur Úkraínu í Eurovision sýnir svart á hvítu að keppnin er pólitísk. Samstaðan sem Evrópuþjóðir sýndu með með orðum og gjörðum hefur þrýst á Samband evrópskra sjónvarpsstöðva að endurskoða reglur um pólitík í Eurovision.
Kjarninn 22. maí 2022
Mette Frederiksen, Ursula van der Leyen forseti framkvæmdastjórnar ESB, Olaf Scholz kanslari Þýskalands, Mark Rutte forsætisráðherra Hollands og Alexander De Croo forsætisráðherra Belgíu hittust í Esbjerg.
Tíu þúsund risastórar vindmyllur
Á næstu árum og áratugum verða reistar 10 þúsund vindmyllur, til raforkuframleiðslu, í Norðursjónum. Samkomulag um þessa risaframkvæmd, sem fjórar þjóðir standa að, var undirritað í Danmörku sl. miðvikudag.
Kjarninn 22. maí 2022
Meira úr sama flokkiInnlent