Sjóðs­fé­lögum í Lífs­verki mun frá og með deg­inum í dag gef­ast færi á 85 pró­sent fast­eigna­lán­um. Þetta kemur fram í til­kynn­ingu frá Lífs­verki.

Stjórn Lífs­verks hefur sam­þykkt nýjar lána­reglur fyrir sjóð­inn sem taka gildi í dag, 1. mars. Nú gefst sjóðs­fé­lög­um, sem eru að kaupa sína fyrstu eign, kostur á láni upp að 85 pró­senta veð­hlut­falli af sölu­virði sam­kvæmt kaup­samn­ingi. Þetta er breyt­ing frá því sem áður var en hámarks­veð­hlut­fall var 75 pró­sent af sölu­virði. Með þess­ari breyt­ingu vill stjórn sjóðs­ins koma sér­stak­lega til móts við þá sjóð­fé­laga sem eru að kaupa sína fyrstu fast­eign.

Sam­kvæmt til­kynn­ing­unni verður hámark við­bót­ar­láns vegna fyrstu kaupa 5 millj­ónir króna, miðað við 75 til 85 pró­senta veð­hlut­fall. Vextir við­bót­ar­lána bera 0,6 pró­senta álag á vexti grunn­lána hjá sjóðn­um, sem eru nú 3,50 pró­sent á verð­tryggðum lánum og 5,70 pró­sent á óverð­tryggðum lán­um. Hægt er að taka grunn­lán hjá sjóðnum fyrir allt að 45 millj­ónir króna.

Sam­hliða þessum breyt­ingum hefur verið ákveðið að bjóða nýjan flokk verð­tryggðra lána með föstum vöxtum út láns­tím­ann. Sjóð­fé­lagar geta því valið milli verð­tryggðra lána með breyti­legum eða föstum vöxt­um, eða óverð­tryggðra lána með breyti­legum vöxt­um.

Þá er ekki skil­yrði lengur að greiða þurfi iðgjöld í 4 mán­uði til að öðl­ast láns­rétt hjá sjóðn­um. Nóg er að vera sjóð­fé­lagi en greiða þarf lág­marks­ið­gjald á ári til að njóta bestu kjara. Líf­eyr­is­þegar hjá sjóðnum eiga einnig láns­rétt, sem og þeir sem ein­göngu greiða við­bót­ar­sparnað til sjóðs­ins.

Lífs­verk er opinn líf­eyr­is­sjóður háskóla­mennt­aðra en allir sem hafa lokið grunn­námi á háskóla­stigi geta sótt um aðild. Sjóðs­fé­lagar njóta hag­stæðs rétt­inda­á­vinn­ings og geta valið um að setja hluta af skyldu­ið­gjaldi í sér­eign. Allir stjórn­ar­menn Lífs­verks eru sjóð­fé­lagar og eru kosnir af sjóð­fé­lögum sjálfum í raf­rænum kosn­ing­um.