Ályktun var lögð fyrir þing Fram­sókn­ar­flokks­ins í gær 11. febr­úar að skipuð yrði rann­sókn­ar­nefnd um þær aðgerðir sem stjórn­völd og fjár­mála­fyr­ir­tæki réð­ust í eftir hrun­ið.

Ást­hildur Lóa Þórs­dótt­ir, for­maður Hags­muna­sam­taka heim­il­anna og þriðji maður á lista Fram­sóknar í Reykja­vík fyrir næstu sveit­ar­stjórn­ar­kosn­ing­ar, greindi frá þessu í Face­book-­færslu í gær.

Sam­kvæmt færsl­unni var álykt­unin sam­þykkt með nær öllum greiddum atkvæð­um. Ást­hildur segir þetta vera sigur fyrir Hags­muna­sam­tök heim­il­anna vegna þess að þau hafi reynt að ná athygli stjórn­mála­flokka um þetta mál með litlum árangri fram til þessa.

„Rann­saka þarf aðgerðir stjórn­valda og fjár­mála­fyr­ir­tækja í kjöl­far hruns­ins og finna út raun­veru­lega stöðu fjár­mála­kerf­is­ins en það verður ekki gert án þess að rann­saka lög­mæti þeirra aðgerða sem ráð­ist var í eftir hrun­ið, t.d. varð­andi end­ur­út­reikn­inga geng­is­tryggðra lána. Einnig þarf að skoða hvort úrvinnsla verð­tryggðra og geng­is­tryggðra lána hafi verið í sam­ræmi við lög- og stjórn­ar­skrár­varin rétt­indi neyt­enda og skuld­bind­ingar Íslands sam­kvæmt EES-­samn­ingn­um.

Stöðva skal allar aðfarir sem byggja á fyrr­nefndum aðgerðum á meðan gerð slíkrar rann­sókn­ar­skýrslu stendur yfir,“ segir í færslu Ást­hild­ar. 

Von hennar er sú að þeir félagar Hags­muna­sam­taka heim­il­anna sem eru í stjórn­mála­flokkum vinni þess­ari til­lögu fylgi innan sinna flokka og/eða skori á þá að veita henni stuðn­ing þegar hún kemur fyrir þing­ið.