Jeff Sessions, dóms­mála­ráð­herra Banda­ríkj­anna, rak Andrew McCabe úr starfi sínu sem for­stjóri alrík­is­lög­regl­unnar FBI, um sól­ar­hring áður en hann var átti að fara á eft­ir­laun, seint í gær. Með þess­ari ákvörðun kemur hann í veg fyrir að hann geti átt rétt á ríku­legri eft­ir­launum en hann hefði ann­ars feng­ið. 

Jeff Sessions hefur sjálfur verið til rann­sóknar fyrir sam­band sitt við Rússa, en vitað er að hann átti fundi með Sergey Kis­lyak, sendi­herra Rússa í Was­hington DC, en hann er náinn banda­maður Vladímir Pútíns for­seta Rúss­lands.

McCabe kom bæði að rann­sókn á tölvu­póstum Hill­ary Clinton og afskiptum Rússa af kosn­ing­unum í Banda­ríkj­unum árið 2016 og tengslum við fram­boð Don­alds Trumps Banda­ríkja­for­seta. 

Trump hefur haldið því fram, ítrek­að, að McCabe sé óhæfur í starfi og hafi verið búinn að mynda sér skoðun á tengslum fram­boðs Trumps við Rússa, án þess að hafa nokkuð í hönd­unum um það. 

McCabe sendi frá sér harð­orða yfir­lýs­ingu eftir að ákvörðun um að reka hann hafði verið tek­in, en hann las fyrst um hana í fjöl­miðl­um. Hann segir að þessar aðgerðir gegn honum séu hluti af víð­tækum aðgerðum stjórn­valda og Trumps for­seta, til þess að rýra trú­verð­ug­leika hans, alrík­is­lög­regl­unnar og þeirrar rann­sókn­ar­vinnu sem farið hefur fram til þessa. 

Hann segir í yfir­lýs­ingu sinni að hann sé stoltur af meira en tveggja ára­tuga vinnu sinni hjá FBI, meðal ann­ars við að berj­ast gegn skipu­lagðri glæp­a­starf­semi Rússa í New York sem full­trúi á göt­unni (street agent). Það sé bæði sárt og valdi von­brigð­um, að eft­ir­launa­réttur hans sé skertur með þessum hætt­i. 

Hann seg­ist þó full­viss um að heið­ar­legir rann­sak­endur hjá FBI og öðrum rann­sókn­ar- og lög­reglu­stofn­unum muni leiða rann­sókn­irnar sem eru í gangi til lykta með far­sælum og réttu­mætum hætti.