„Mér er það alveg ljóst að laun for­stjóra N1 eru mjög góð og eru alveg sér­lega há á árinu 2017 eins og fram hefur kom­ið. Ég vil hins vegar full­vissa ykkur um það, að við fylgj­umst grannt með launa­hlut­föllum innan félags­ins þannig að tryggt sé að þróun launa yfir­stjórn­ar­innar fari ekki úr takti við launa­þróun almennra starfs­manna,“ segir Mar­grét Guð­munds­dótt­ir, stjórn­ar­for­maður N1, í skýrslu stjórnar N1 vegna rekstr­ar­árs­ins 2017, en aðal­fundur félags­ins stendur nú yfir. 

Eins og kunn­ugt hefur ver­ið, þá hafa launa­kjör for­stjóra N1, Egg­erts Krist­ó­fers­son­ar, verið harð­lega gagn­rýnd, meðal ann­ars af stétt­ar­fé­lög­um. Í harð­orðri yfir­lýs­ingu frá for­mönnum VR, Efl­ing­ar, Verka­lýðs­fé­lags Akra­ness og Fram­sýn­ar, segir að launa­þróun stjórn­enda í atvinnu­líf­inu sé orðin að „leik­húsi fár­an­leik­ans“. Alltof mikið bil sé orðið milli stjórn­enda og fólks­ins á gólf­inu. Efl­ing og VR, þar sem Sól­veig Anna Jóns­dóttir og Ragnar Þór Ing­ólfs­son eru for­menn, eru stærstu stétt­ar­fé­lög lands­ins með um 60 þús­und félags­menn sam­tals.

Í skýrslu stjórnar N1 er ítar­lega fjallað um launa­kjör hjá félag­inu, og meðal ann­ars vikið að kaupauka­kerf­inu sem í gildi er í félag­inu. „Á und­an­förnum dögum hefur skap­ast mikil umræða um þau laun sem Egg­erti Þór Krist­ó­fer­syn­i, ­for­stjóra N1 voru greidd fyrir störf hans hjá félag­inu á árinu 2017. Umræðan er skilj­an­leg, þó ekki væri af öðrum ástæðum en þeim, að litlar skýr­ingar fylgja í reikn­ingi félags­ins og launin eru há enda þarf sá sem starf­inu gegnir að vera reynslu mik­ill og vera með tals­verða hæfi­leika til að ­tryggja góðan rekstur og að þróa félagið til fram­tíðar í síbreyti­legu umhverf­i. Að­al­fundur félags­ins hefur ár hvert sam­þykkt starfs­kjara­stefnu, eins og hluta­fé­laga­lög áskilja. Þar kemur fram að mark­mið starfs­kjara­stefn­unnar sé að félagið geti boðið sam­keppn­is­hæf starfs­kjör og ráðið til sín fram­úr­skar­andi starfs­fólk og stjórn­end­ur. Til þess þurfi að bjóða sam­keppn­is­hæf ­laun við það sem tíðkast hjá sam­keppn­is­fyr­ir­tækj­um. Við teljum okkur gera það. Félagið hef­ur verið eft­ir­sóttur vinnu­staður og starfs­manna­velta almennt lág og starfs­þró­un­ar­mögu­leik­ar um­tals­verð­ir. Að því er laun almennra starfs­manna á þjón­ustu­stöðvum varðar byggjum við í grunn­inn á kjara­samn­ingum stétt­ar­fé­laga þeirra, en per­sónu­bund­inn mats­þáttur kemur þar Að­al­fundur N1, 19. mars, 2018 einnig til. Stjórn­endur þjón­ustu­þátta á tugum starfs­stöðva félags­ins um land allt eru laun­að­ir skv. per­sónu­bundum samn­ingum og félagið leit­ast við að verð­launa frammi­stöðu og árang­ur,“ segir í skýrsl­unn­i. 

Í skýrsl­unni segir enn fremur að kaupauka­kerfið byggi að stofni til á grunni sem rekja má til árs­ins 2013 þegar ákvörðun um skrán­ingu félags­ins á markað var tek­in. Þar er meðal ann­ars vikið að því að greiða með árang­urstengd launa. Þetta sé stefna sem legið hafi fyr­ir, og ætti því ekki að koma hlut­höfum félags­ins á óvart. Vikið sé sér­stak­lega að því á hvaða for­sendum megi umb­una fyrir góðan árang­ur. „Í fyrsta lagi megi greiða þeim ár­ang­urstengd laun og í öðru lagi megi veita þeim kaup­rétti að hluta­fé. ­Starfs­kjara­nefnd félags­ins er af hálfu stjórnar mót­andi um fram­kvæmd starfs­kjara­stefn­unn­ar. Hún hefur ekki talið æski­legt að nýta þessa árang­urs­hvata hvoru tveggja, en aug­ljóst er að ­stjórn­endur hefðu haft af því veru­legan fjár­hags­legan ávinn­ing ef heim­ildir til útgáfu kaup­rétta hefðu verið nýtt­ar, svo mjög sem verð­mæti hluta í félag­inu hefur auk­ist síð­ustu fjögur árin. Nú­ver­andi kaupauka­kerfi félags­ins er að megin stofni frá árinu 2013 þegar N1 var skráð í Kaup­höll­ina. Því var breytt að hluta til árið 2016 og tekur það nú til­lit til bæði fjár­hags­legrar af­komu, þ.e.a.s. árlegrar EBITDA í hlut­falli við áætlun og ein­stak­lings­bund­inna verk­efna ­yf­ir­stjórn­enda. Þannig telja ein­stak­lings­bundin verk­efni 20% og EBITDA 80%. EBITDA bilið sem ­kaup­auk­inn nær til er 95-110%. Geta kaupauka­greiðslur til for­stjóra hæst numið 6 mán­að­ar­launum og til fram­kvæmda­stjóra 3 mán­að­ar­launum og hafa kaupauka­greiðslur svarað til 1 mán­aða launa fram til árs­ins 2015 þegar afkoma félags­ins tók að batna veru­lega og náði hámarki í fyrra vegna góðrar afkomu árs­ins 2016. Árið 2016 var besta árið í sögu N1 og árangur á alla mæli­kvarða fór langt fram úr vænt­ing­um. Það ­leiddi til þess að skil­yrðum kaupauka­kerf­is­ins fyrir hámarks­greiðslu var mætt. Þær greiðslur komu til fram­kvæmda í mars árið 2017 eftir að reikn­ingur árs­ins 2016 hafði verið stað­festur og reiknast því sem hluti af launa­greiðslum árs­ins 2017,“ segir í skýrsl­unni.

Stærstu hlut­hafar N1 eru líf­eyr­is­sjóð­ir, en stærsti ein­staka eig­and­inn er Líf­eyr­is­sjóður versl­un­ar­manna með 13,3 pró­sent hlut. Mark­aðsvirði félags­ins er 30,5 millj­arðar króna, miðað við loka­gengi við lokun mark­aða í dag. Eigið fé félags­ins var 13,8 millj­arðar í lok árs í fyrra.