Í að það minnsta vantar um 160 til 170 millj­arða króna til að styrkja vega­kerfi lands­ins. Frá þessu er greint í Morg­un­blað­inu í dag, og segir Sig­urður Ingi Jóhanns­son, sam­göngu­ráð­herra, að honum sé full­kunn­ugt um það hversu slæm staða sé víða á land­inu, þegar kemur að vega­málum og við­haldi sam­göngu­mann­virkja. 

Álag á vega­kerfið hefur stór­auk­ist með miklum vexti í ferða­þjón­ustu, og nemur umferð­ar­aukn­ingin víða á land­inu tugum pró­senta vegna hans. 

Sig­urður Ingi boðar heild­stæða sam­göngu­á­ætl­un, þar sem ekki er hugsað til skamms tíma heldur til langrar fram­tíð­ar, en þessi miss­erin er verið að vinna að sam­göngu- og rík­is­fjár­mála­á­ætl­un.

Fram kom í máli Bjarna Bene­dikts­son­ar, for­manns Sjálf­stæð­is­flokks­ins og fjár­mála- og efna­hags­ráð­herra, á lands­fundi flokks­ins um helg­ina, að 150 millj­arðar króna myndu á næstu árum fara í inn­viða­fjár­fest­ing­ar, en gera má ráð fyrir að bróð­ur­part­ur­inn af þeirri upp­hæð sé vegna fjár­fest­inga í sam­göngu­mann­virkj­um.

Einn við­mæl­enda Morg­un­blaðs­ins í dag, Sig­þór Sig­urðs­son, fram­kvæmda­stjóri Hlað­bæjar Colas, segir í sam­tali við Morg­un­blaðið í dag að nú sé að koma í ljós slæmt ástand og miklar afleið­ingar þess að hafa ekki sinnt við­haldi nægi­lega vel. Krónum hafi verið kastað fyrir aura, og það hafi reynst dýr­keypt.