Stærstu hlut­höfum norska flug­fé­lags­ins Norweg­ian býðst nú að kaupa hluta­bréf í félag­inu fyrir 1,3 millj­arða norskra króna, eða sem nemur um 17 millj­arða íslenskra króna. 

Fjár­mögn­unin hófst í dag, og er frest­ur­inn til að til­kynna þátt­töku gef­inn þar til í fyrra­mál­ið, sam­kvæmt til­kynn­ingu frá Norweg­an. Félagið á í harðri sam­keppni við önnur flug­fé­lög, ekki síst þau nor­rænu, þar á meðal Icelandair og WOW Air.

Vonir standa til þess að hið auka fé muni tryggja stöðu félags­ins og gera því mögu­legt að sækja fram, að því er fram kemur í umfjöllun www.turist­i.is.

Vöxtur Norweg­ian hefur verið hraður síð­ustu ár og er félagið nú orðið það stærsta á Norð­ur­lönd­um, sé horft til heild­ar­far­þega­fjölda og ferða. 

Umsvifin tak­markast þó ekki aðeins við flug til og frá Norð­ur­lönd­unum því félagið er með starf­stöðvar í nokkrum Evr­ópu­lönd­um, vest­an­hafs og í Argent­ín­u. 

„Rekst­ur­inn hefur hins vegar verið þungur og á síð­asta ári tap­aði félagið um 300 millj­ónum norskra króna, um 3,8 millj­örðum íslenskra króna. Þetta ár byrjar líka illa og því hefur félagið lækkað afkomu­spá sína en tap­rekst­ur­inn er aðal­lega rak­inn til hækk­andi olíu­verðs,“ segir í umfjöllun Túrista.

Ekki er langt síðan að Mich­ael O´Le­ary, for­stjóri Ryana­ir, stærsta lággjalda­flug­fé­lags Evr­ópu, lét hafa eftir sér að staða Norweg­ian væri erf­ið. Hann hefur ítrekað full­yrt að Norweg­ian sé eitt þeirra evr­ópsku flug­fé­laga sem eigi sér ekki langa fram­tíð og Karl Johan Mol­nes, frá verð­bréfa­fyr­ir­tæk­is­ins Norne Securities, er líka svart­sýnn á fram­hald­ið. 

Í við­tali við norska við­skipta­blaðið Dag­ens Nær­ingsliv nú í kvöld segir hann að það komi honum ekki á óvart að Norweg­ian verði að sækja aukið hlutafé en miðað við gang mála þá verði þetta ekki í síð­asta skipti sem eig­end­urnir verði að láta aukið fjár­magn í félag­ið.