„Síðan er bara orðin spurn­ing hvort að efstu lögin í sam­fé­lag­inu séu orðin það botn­laust gráðug að það þurfi að koma böndum á þetta með laga­setn­ing­u.“ Þetta segir Drífa Snædal, fram­kvæmda­stjóri Starfs­greina­sam­bands Íslands, í sjón­varps­þætti Kjarn­ans á Hring­braut sem frum­sýndur verður klukkan 21 í kvöld. Þar ræðir hún, ásamt Þor­steini Víglunds­syni, vara­for­manni Við­reisnar og fyrr­ver­andi fram­kvæmda­stjóra Sam­taka Atvinnu­lífs­ins, kjara­mál, stétta­bar­áttu og áhrif fregna um ofur­laun á þá flóknu stöðu sem er uppi á vinnu­mark­aði. Hægt er að sjá stiklu úr þætt­inum hér að ofan.

Drífa segir að skot­graf­irnar í kringum ofur­launaum­ræð­una séu vel þekkt­ar. „Kjara­ráð kemur með ein­hver úrskurð, við verðum vit­laus, allir verða vit­laus­ir, við förum í fjöl­miðla. Svo koma ein­hverjir for­stjórar og fá ein­hverjar hækk­an­ir. Allt verður vit­laust. Við hótum því að fara í verk­föll. Þetta er ein­hver dans sem við þekkjum svo vel.“

Að hennar mati þarf að horfa á stærri mynd­ina og taka umræð­una lengra. Það þurfi til að mynda að eiga sé stað sam­tal um hvað sé eðli­legur tekju­mis­mun­ur. „Við höfum aldrei tekið þá umræðu. En hún var í gangi hérna fyrir ára­tugum síð­an. Hvort að það væri eðli­legt að hæst laun­að­asti rík­is­starfs­mað­ur­inn væri með tvö­föld laun lægst­laun­aða? Þre­föld? Fjór­föld? Núna er hann með hátt í tíföld.“

Að sama skapi þurfi að ræða hver eðli­legur tekju­munur sé innan fyr­ir­tækja á einka­mark­aði. „Hann er senni­lega 20faldur innan sumra fyr­ir­tækja. Sum lönd hafa farið þá leið að setja klásúlu í árs­reikn­inga­lögin þar sem fyr­ir­tækjum ber skylda til að greina frá tekju­mis­mun innan hvers fyr­ir­tæk­is. Það er ágætis byrj­un. [...] Hvað er verið að borga hæst­laun­aða og hvað er verið að borga lægst laun­aða.“