Meira en 2,8 millj­örðum verður varið til upp­bygg­ingar inn­viða og ann­arra verk­efna á fjöl­sóttum stöðum í nátt­úru Íslands og öðrum ferða­manna­stöð­um.

Guð­mundur Ingi Guð­brands­son, umhverf­is- og auð­linda­ráð­herra og Þór­dís Kol­brún Reyk­fjörð Gylfa­dótt­ir, ferða­mála- iðn­að­ar- og nýsköp­un­ar­ráð­herra, til­kynntu um þetta í dag.

Ann­ars vegar er um að ræða tæp­lega 2,1 millj­arða króna úthlutun vegna þriggja ára verk­efna­á­ætl­unar lands­á­ætl­unar um upp­bygg­ingu inn­viða sem gildir fyrir árin 2018 – 2020.

Verk­efna­á­ætl­unin tekur meðal ann­ars til frið­lýstra svæða og fjöl­sóttra staða í eigu íslenska rík­is­ins, val­inna svæða sveit­ar­fé­laga auk land­vörslu. Þá er fé veitt til óstað­bund­inna áherslu­verk­efna. Alls er fjár­magni veitt á 71 stað og eina göngu­leið til fjöl­breyttra verk­efna, með sér­staka áherslu á vernd nátt­úru, minja­vernd, bætt öryggi, svo og bætta aðstöðu fyrir gesti á þessu stöð­um.

Hins vegar er um að ræða 722 millj­óna króna úthlutun úr Fram­kvæmda­sjóði ferða­manna­staða fyrir árið 2018. Tekið skal fram að gert er ráð fyrir að Fram­kvæmda­sjóð­ur­inn úthluti alls 2,2 millj­örðum á árunum 2018 til 2020 en úthlutað er árlega. Þetta er í fyrsta sinn sem sjóð­ur­inn styrkir ekki ferða­manna­staði í eigu rík­is­ins og er það í sam­ræmi við breytta lög­gjöf um sjóð­inn. Alls hljóta 56 staðir styrk úr sjóðnum að þessu sinni. Sér­stök áhersla er lögð á að fjölga við­komu­stöðum ferða­manna  til að stuðla að því að álag minnki á fjöl­sóttum stöðum og lýtur 21 verk­efni að þessu mark­miði.

Sam­eig­in­lega munu ráð­herr­arnir koma á fót starfs­hópi sem hefur það verk­efni að efla fag­þekk­ingu þeirra aðila sem vinna að upp­bygg­ingu inn­viða með það að mark­miði að auka gæði og hag­kvæmni upp­bygg­ing­ar­innar og draga úr hættu á ónauð­syn­legu raski. Í starfs­hópnum verða full­trúar opin­berra stofn­ana sem koma að upp­bygg­ingu inn­viða sem og Sam­bands íslenskra sveit­ar­fé­laga og Hönn­un­ar­mið­stöðvar Íslands. Gert er ráð fyrir að verja 60 millj­ónum króna til þessa verk­efnis á næstu þremur árum.

Í til­kynn­ingu frá stjórn­ar­ráð­inu segir að með úthlut­un­inni sé blásið til sóknar í upp­bygg­ingu inn­viða á frið­lýstum svæðum og öðrum ferða­manna­stöðum í nátt­úru Íslands. Þetta sé í fyrsta sinn sem gerðar eru heild­stæðar áætl­anir til margra ára þegar kemur að mati á upp­bygg­ing­ar­þörf þess­ara svæða og úthlutun fjár­muna vegna henn­ar.