Val­gerður Hall­dórs­dóttir hefur verið ráðin fram­kvæmda­stjóri fjár­tækni­fyr­ir­tæk­is­ins Fram­tíð­ar­inn­ar, sem býður upp á náms­lán, hús­næð­is­lán og almenn lán. Félagið er í eigu sjóðs í stýr­ingu hjá GAMMA og hefur hlotið skrán­ingu sem lán­veit­andi hjá Fjár­mála­eft­ir­lit­inu í sam­ræmi við lög um fast­eigna­lán til neyt­enda.

Val­gerður starf­aði síð­ast sem fram­kvæmda­stjóri Visku. meðal ann­ars áður hjá Plain Vanilla sem þró­un­ar­stjóri ásamt því að bera ábyrgð á við­skipta­þróun félags­ins og stýra um tíma skrif­stofu fyr­ir­tæk­is­ins í New York. Þá leik­stýrði hún og fram­leiddi kvik­mynd­ina The Startup Kids árið 2012, ásamt því að stofna tvö önnur sprota­fyr­ir­tæki og fram­leiða borð­spil. Val­gerður hefur setið í stjórn Saga Film frá árinu 2015. Hún lauk BSc námi i iðn­að­ar­verk­fræði frá Háskóla Íslands árið 2008.

Hjá Fram­tíð­inni mun hún sinna dag­legum rekstri félags­ins og bera ábyrgð á stefnu­mót­un, við­skipta­þróun og mark­aðs­mál­um.

Hlíf Sturlu­dótt­ir, stjórn­ar­for­maður Fram­tíð­ar­inn­ar, segir að það sé mik­ill fengur fyrir félagið að fá Val­gerði til liðs við sig. „Hún hefur gríð­ar­lega reynslu af nýsköp­un­ar- og frum­kvöðla­starfi, bæði hér á Íslandi og erlend­is, og sú reynsla mun nýt­ast vel í þeim spenn­andi verk­efnum sem framundan eru, en við ætlum að vera í far­ar­broddi varð­andi nýt­ingu tækni­lausna við fjár­mála­þjón­ustu.“