Meðal þeirra aðgerða sem ráð­ist hefur verið í gegn brott­námi í fram­halds­skólum eru nán­ari kort­lagn­ing brott­hvarfs­hópanna og reglu­legri mæl­ingar á brott­hvarf­i. Brott­hvarf nem­enda úr skóla­kerf­inu var til umfjöll­unar á fundi Vel­ferð­ar­vakt­ar­inn­ar, sam­ráðs­vett­vangi á sviði vel­ferð­ar­mála þann 20. mars síð­ast­lið­inn. Að Vel­ferð­ar­vakt­inni standa ýmis sam­tök, aðilar vinnu­mark­að­ar­ins, ráðu­neyti, rík­is­stofn­anir og sveit­ar­fé­lög­in. Fram kom á fund­inum að lyk­il­at­riði í því að minnka brott­hvarf nem­enda væri snemmtæk íhlutun á grunn­skóla­stigi og því væri mik­il­vægt að for­gangs­raða í þágu þess. 

Þetta kemur fram í frétt mennta- og menn­ing­ar­mála­ráðu­neyt­is­ins. 

„Vel­ferð­ar­vaktin er svo sann­ar­lega á réttri leið. Snemm­bær íhlutun er helst það sem kenn­ara­sam­tökin hafa bent á varð­andi það að draga úr brott­falli. Stuðn­ingur við nem­endur í fram­halds­skól­an­um, bæði sál­fræði­þjón­usta og svo auð­vitað náms og starfs­ráð­gjöf munu hafa gríð­ar­lega jákvæð áhrif á líðan nem­enda og vænt­an­lega draga úr brott­fall­i,“ seg­ir Guð­ríður Arn­ar­dótt­ir, for­maður Félags fram­halds­skóla­kenn­ara. 

Nauð­syn­legt að grípa til aðgerða strax í grunn­skóla

Guð­ríður segir jafn­framt að löngu sé orðið tíma­bært að stjórn­völd ráð­ist í aðgerðir gegn brott­falli í fram­halds­skól­um. Hún segir að mik­il­vægt sé að bregð­ast fljótt við og að nauð­syn­legt sé að grípa til aðgerða strax í grunn­skóla. Til að mynda sé mik­il­vægt að efla náms- og starfs­ráð­gjöf. „Ís­lensk ung­menni þjást af kvíða og þung­lyndi og eru þetta mjög hamlandi þætt­ir. Þess vegna er gott að hafa sál­fræði­þjón­ustu. En það er líka allt of lítið af náms- og starfs­ráð­gjöfum í grunn- og fram­halds­skól­um. Úr þessu þarf að bæta,“ segir hún.

Þrátt fyrir að vera jákvæð gagn­vart aðgerðum og yfir­lýs­ingu mennta­mála­ráð­herra, þá bendir Guð­ríður á að ekki megi missa sjónar af hvað veld­ur. „Það þarf að komst fyrir lek­ann, ekki bara þurrka upp eftir á,“ segir hún.

Sam­starf við heil­brigð­is­ráð­herra

Mennta- og menn­ing­ar­mála­ráð­herra, Lilja Alfreðs­dótt­ir, fór á fundi Vel­ferð­ar­vakt­ar­inn­ar yfir þróun brott­hvarfs úr skóla­kerf­inu síð­ustu árin og upp­lýsti um þá vinnu sem stendur yfir í ráðu­neyt­inu til að mæta þeim vanda. „Þrátt fyrir þær góðu fréttir að hlut­fall braut­skráðra nem­enda hafi hækkað og hlut­fall þjóð­ar­innar sem ekki hefur lokið meira en tveggja ára menntun úr fram­halds­skóla hafi lækkað er það mikil áskorun að vinna að því minnka það brott­hvarf sem sann­ar­lega á sér stað,“ segir Lilja.

Sam­kæmt frétt ráðu­neyt­is­ins hefur Lilja fundað með Svandísi Svav­ars­dóttur heil­brigð­is­ráð­herra um sam­starf um aukið aðgengi fram­halds­skóla­nem­enda að geð­heil­brigð­is­þjón­ustu og er sú vinna í fullum gangi. Segir jafn­framt í frétt­inni að auknu fjár­magni hafi líka verið úthlutað til fram­halds­skóla til þess að mæta betur þörfum nem­enda sem lík­legir eru til að hverfa frá námi.