Mark Zucker­berg hefur á undra­skjótum tíma orðið einn af rík­ustu mönnum heims. Hinn 33 ára gam­ali Zucker­berg byrj­aði að efn­ast hratt eftir að Face­book varð til, en hann er einn stofn­enda og nú for­stjóri og stærsti eig­andi fyr­ir­tæk­is­ins. 

Mark­aðsvirði þess nemur nú um 500 millj­örðum Banda­ríkja­dala, eða um 50 þús­und millj­örðum króna. Þessi verð­mæti hafa orðið til á 14 ára tíma­bili, en þó að mestu á und­an­förnum ára­tug, þegar Face­book hóf að breið­ast hratt út um heim­inn. Nú eru virkir not­endur yfir tveir millj­arðar manna, og er mið­ill­inn sér­stak­lega mikið útbreiddur á vest­ur­lönd­um. 

Eftir að mis­notkun fyr­ir­tæk­is­ins Cambridge Ana­lyt­ica, með not­enda­upp­lýs­ingar Face­book, var gerð opin­ber þá hafa spjótin beins að Zucker­berg. Mark­aðsvirði Face­book hefur lækkað um 60 millj­arða Banda­ríkja­dala, eða sem nemur um 6 þús­und millj­örð­um. Það er upp­hæð sem nemur virði allra fast­eigna á höf­uð­borg­ar­svæð­inu, svo hún sé sett í íslenskt sam­heng­i. 

Fjallað var ítar­lega um málið í Tækni­varp­inu, í hlað­varpi Kjarn­ans í vik­unni.

Þrátt fyrir þetta eru virði eigna Zucker­bergs áætlað um 64 millj­arðar Banda­ríkja­dala, eða um 6.400 millj­örðum króna, sam­kvæmt upp­færðum lista For­bes. Eign­ar­hlutur Zucker­bergs er á milli 12 og 13 pró­sent af heild­ar­virði Face­book, en félagið er skráð á mark­að.

Ekki eru öll kurl komin til grafar enn hjá Face­book, en opin­berar rann­sóknir eru nú í gangi á starf­semi Cambridge Ana­lyt­ica, bæði í Bret­landi og í Banda­ríkj­un­um. Í þessum rann­sóknum bein­ast spjót­inn að Face­book, ekki síst, og því hvernig fyr­ir­tækið hefur farið með per­sónu­upp­lýs­ingar not­enda.