Rúss­nesk stjórn­völd hafa ákveðið að bregð­ast við sam­stilltum aðgerðum Breta, Banda­ríkja­manna og fleiri þjóða, með því að vísa banda­rískum og völdum evr­ópskum erind­rekum úrlandi. Munu starfs­menn ræð­is­manns­skrif­stofu Banda­ríkj­anna í St. Pét­urs­borga verða sendir úr landi og henni lok­að, og það sama mun gilda um fleiri evr­ópska erind­reka.

Sam­tals hafa þjóðir heims­ins, einkum Banda­ríkin og Evr­ópu­ríki, vísað 130 erind­rekum úr landi, eftir að Bretar lýstu því yfir að Rússar bæru ábyrgð á eit­urga­sárás á gagnnjósn­­­ar­ann Sergei Skripal og dóttur hans í Salisbury í Bret­landi. Þau liggja enn þungt haldin á sjúkra­húsi.

Ísland tekur þátt í aðgerðum gegn Rússum, en þó ekki með því að vísa erind­rekum úr landi. Íslenskir ráða­menn munu snið­ganga HM í fót­bolta í Rúss­landi, og ekki eiga í sam­skiptum við Rússa á næstu miss­er­um. 

Sergei Lavrov, utan­rík­is­ráð­herra Rússa, segir að aðgerð­irnar séu hneyksli og hann neitar með öllu að Rússar beri ábyrgð á árásinni. Það sama hefur komið frá rúss­neskum yfir­völdum form­lega, og segja þau að við­brögð Banda­ríkj­anna og Breta ein­kenn­ast af ofsa og takt­leysi. 

Lavrov hefur sagt, að nú séu sam­skiptin við Banda­ríkin í frosti og það sama eigi við um Bret­land.