„Ég er áfram þeirrar skoð­unar að þessi emb­ætt­is­færsla hafi verið röng. Og raunar er þar sam­mála dóm­stólum um þá nið­ur­stöð­u.“ Þetta segir Svan­dís Svav­ars­dóttir heil­brigð­is­ráð­herra um ákvörðun Sig­ríðar Á. And­er­sen dóms­mála­ráð­herra um að leggja fram til­lögu um 15 dóm­ara við nýjan Lands­rétt fyrir tæpu ári síð­an, sem vék frá til­lögu dóm­nefndar um hverja ætti að skipa án þess að rök­stuðn­ingur ráð­herr­ans væri nægj­an­leg­ur. 

Svan­dís seg­ist þó ekki hafa litið svo á að van­traust­s­til­laga sem lögð var fram á Sig­ríði í mars, og hún kaus gegn, hafi snú­ist um þá emb­ætt­is­færslur heldur hvort að Vinstri græn styddu áfram rík­is­stjórn­ar­sam­starf við Sjálf­stæð­is­flokk­inn og Fram­sókn­ar­flokk­inn.

Þetta er meðal þess sem fram kom í sjón­varps­þætti Kjarn­ans á Hring­braut í gær­kvöldi. Hægt er að sjá stiklu úr þætt­inum í spil­ar­anum hér að ofan.

Van­traustið sner­ist um rík­is­stjórn­ar­sam­starfið

Í júní 2017 skrif­aði Svandís, ásamt,  Katrínu Jak­obs­dótt­­ur, nú for­­sæt­is­ráð­herra, grein á vef Vinstri grænna sem fjall­aði meðal ann­­ars um Lands­rétt­­ar­­mál­ið. Þar stóð: „Upp­­­­­­­nám milli­­­­­­­dóm­­­­stigs­ins er nú algjört, á ábyrgð dóms­­­­mála­ráð­herr­ans og rík­­­­is­­­­stjórn­­­­­­­ar­innar all­r­­­­ar. Enn er ekki séð fyrir endan á mála­­­­lyktum þessa og gæti svo farið að Lands­­­­réttur yrði að glíma við van­­­­traust og skort á trú­verð­ug­­­­leika um ára­bil.“

Aðspurð hvort að Svan­dís telji að ábyrgð dóms­mála­ráð­herra á mál­inu sé ekki lengur til stað­ar, í ljósi þess að hún og Katrín kusu báðar gegn van­traust­s­til­lögu á Sig­ríði í mars­mán­uði, sagði Svan­dís svo ekki vera og að hún hafi ekki skipt um skoðun í þessu máli. Hún telji enn að emb­ætt­is­færsla Sig­ríðar hafi verið röng.

Á sínum tíma hafi hún ekki tekið þátt í atkvæða­greiðslu um skipun Lands­rétt­ar­dóma vegna per­sónu­legra tengsla hennar við einn þeirra sem dóm­nefnd hafði metið hæf­asta til að sitja í rétt­inum en Sig­ríður hafði ákveðið að skipa ekki. Þau tengsl eru við Ást­ráð Har­alds­son, nú hér­aðs­dóm­ara, sem er fyrr­ver­andi eig­in­maður og barns­faðir Svan­dís­ar. Þegar Vinstri græn hafi ákveðið að fara í rík­is­stjórn­ar­sam­starf þá sagði Svan­dís að þau hafi áttað sig á því að flokk­ur­inn væri að fara að gera það eins og ger­ist og gengur í íslenskum stjórn­mál­um. „Það eru flokk­arnir sem sam­mæl­ast um það að ganga til sam­starfs og flokk­arnir velja sér síðan sín ráð­herra­efni. Og við það sit­ur. Hér erum við að tala um emb­ætt­is­færslur frá fyrri tíð, sem eru frá því fyrir kosn­ing­ar, og þær voru ekki til umfjöll­unar í þessu van­trausti að mínu mati heldur í raun og veru hvort að við ætl­uðum að halda áfram að styðja þetta sam­starf.“