Örygg­is­ráð Sam­ein­uðu þjóð­anna kom saman í gær­kvöldi vegna tauga­eit­ursárás­ar­innar í Salisbury, og komu rúss­nesk stjórn­völd þar á fram­færi harðri gagn­rýni á Breta. 

Vasily Neb­enzya, sendi­herra Rússa hjá Sam­ein­uðu þjóð­un­um, sagði Breta hafa farið framm með offorsi gegn Rússum og að það ætti eftir að koma í bakið á þeim. 

Sagði hann bresk stjórn­völd í áróð­urs­stríði vegna máls­ins, og að opin­berar ásak­anir og aðgerðir gegn Rússum væru byggðar á sandi.

Bretar hafa full­yrt að rúss­nesk stjórn­völd eigi þátt í að tauga­eitrið Novichok var notað gegn rúss­neska gagnnjósn­ar­anum Sergei Skripal og dóttur hans, en Sergei liggur enn þungt haldin á sjúkra­húsi, en dóttir hans er á bata­vegi, sam­kvæmt frá­sögn The Times. 

Margar þjóðir hafa tekið þátt í aðgerðum gegn Rússum í kjöl­far árás­ar­inn­ar, og er Ísland þar á með­al. Ráða­menn Íslands munu ekki fara á HM í Rúss­landi, og þá munu stjórn­völd ekki funda með rúss­neskum erind­rek­um. Aðrar þjóð­ir, þar á meðal Norð­ur­löndin og Banda­rík­in, hafa gripið til þess að vísa rúss­neskum sendi­ráðs­starfs­mönnum og mörgum öðrum erind­rekum úr land­i. 

Rússar hafa brugð­ist við með sama hætti. Boris John­son, utan­rík­is­ráð­herra Breta, hefur sagt árásin hrika­lega, og að það sé öruggt mál að Rússar standi að baki henni.