Spár um fjölg­un starfa á Kefla­vík­­­ur­flug­velli á næstu árum kunna að fela í sér van­­mat. Þannig gætu orðið til rúm­­lega 5 þús­und ný störf til 2021.

Frá þessu er greint í Morg­un­blað­inu í dag, en mik­ill vöxtur í ferða­þjón­ustu hefur leitt til mik­illlar fjölg­unar starfa á Kefla­vík­ur­flug­velli og ýmissi hlið­ar­þjón­ustu við flug­völl­inn.

Sam­­kvæmt áætl­­un sem unn­in var fyr­ir Isa­via munu verða til sam­tals 3.900 störf á ár­un­um 2018-2021.

Horf­ur á að þessi spá­ sé van­mat, af því er fram kemur í Morg­un­blað­inu. Ef áform til dæm­is WOW air um fjölg­un starfa í 2.000 á næsta ári ræt­­ast kunni um 4.700 ný störf að skap­­ast á vell­in­um þessi ár. Við þetta bæt­­ast hund­ruð starfa sem skap­­ast vegna næstu áfanga í stækk­­un flug­­vall­­ar­ins, að því er fram kemur í Morg­un­blað­inu.

Mik­ill vöxtur í ferða­þjón­ustu hefur skapað mik­inn þrýst­ing á upp­bygg­ingu Kefla­vík­ur­flug­vall­ar, en tug­millj­arða upp­bygg­ing er nú þegar haf­inn og útlit fyrir fram­hald á henni næstu árin. 

Útlitið í ferða­þjón­ustu þykir nokkuð gott fyrir þetta ár, þrátt fyrir sterka krónu og minni árlegan vöxt en und­an­farin ár. Á síð­asta ári komu um 2,3 millj­ónir ferða­manna til lands­ins og er útlit fyrir að fjölg­unin verði nokkur á þessu ári.