Hagn­aður fjár­mála­fyr­ir­tæk­is­ins GAMMA Capi­tal Mana­gement nam tæp­lega 626 millj­ónum króna í fyrra og dróst saman um rúm­lega fjórð­ung frá árinu 2016.

Frá þessu er greint í Mark­aðnum, fylgi­riti Frétta­blaðs­ins, í dag, en launa­kostn­aður fyr­ir­tæk­is­ins jókst um lið­lega 300 millj­ónir milli ára. Eignir í stýr­ingu hjá félag­inu voru tæp­lega 140 millj­arðar króna og sjóðir í rekstri voru sam­tals 46.

Stærstu eig­endur GAMMA eru Gísli Hauks­son, sem á 31 pró­sent, og Agnar Tómas Möll­er, fram­kvæmda­stjóri sjóða GAMMA, en hann á rúm­lega 29 pró­sent hlut. Gísli er hættur störfum hjá fyr­ir­tæk­inu og sinnir nú eigin fjár­fest­ing­um. Stjórn­ar­for­maður félags­ins er Hlíf Sturlu­dótt­ir.

Heild­ar­eignir GAMMA í árs­lok 2017 voru 3,2 millj­arðar og hækk­uðu um rúm­lega 740 millj­ón­ir á árin­u. 

Sú aukn­ing skýrist að ­stærstum hluta af því að lang­tíma­kröf­ur á fag­fjár­festa­sjóði juk­ust um 877 millj­ónir á milli ára og nam ­bók­fært virði þeirra tæp­lega 1,3 millj­arði, að því er fram kemur í Mark­aðn­um.