Rússar beittu neit­un­ar­valdi í örygg­is­ráði Sam­ein­uðu þjóð­anna, til að koma í veg fyrir rann­sókn á því hver bæri ábyrgð á árársinni í Douma um helg­ina þar sem fjöldi fólks lést eftir meinta efna­vopna­árás. Eftir fund­inn sagði Vasily Neb­enzia, sendi­herra Rússa hjá Sam­ein­uðu þjóð­un­um, að Banda­ríkja­menn þyrftu að hafa sig hæga og slaka á, í stað þess að grípa til hern­að­ar­að­gerða gegn Sýr­lands­her sem leið­togi lands­ins, Assad, stýr­ir. 

Frá þessu er greint á vef breska rík­is­út­varps­ins BBC.

Hann nýtur meðal ann­ars stuðn­ings Rússa í aðgerðum í heima­land­inu, þar sem stjórn­ar­her­inn hefur barist við upp­reisn­ar­hópa.

Don­ald Trump Banda­ríkja­for­seti hefur sagt að Banda­ríkin muni mögu­lega grípa til hern­að­ar­að­gerða, vegna árás­ar­innar í Sýr­landi. Hann boð­aði „harð­ar“ aðgerðir vegna árás­ar­inn­ar, og beindi orðum sínum að stjórn­ar­her Sýr­lands og Assad. Sem hann kall­aði skepnu.

Eurocontrol, sam­evr­ópsk flug­um­ferð­ar­stjórn, var­aði í gær far­þega­flug­­vél­ar við því að hugs­an­­lega verði gerðar eld­flauga­árás­ir á Sýr­land á næstu þrem­ur sól­­­ar­hring­­um. Búist er við því að loft­helg­inni í Sýr­landi verði alveg lokað fyrir far­þega­flugi.

Skelfi­legar aðstæður eru víða í Sýr­landi, en talið er að allt að helm­ingur íbúa lands­ins sé á flótta, ýmist inn­an­lands eða utan. Íbúar í Sýr­landi eru tæp­lega 20 millj­ón­ir.