Velta bíla­leigu­fyr­ir­tækja hér á land­i nam um 51 millj­arði króna á síð­asta ári en það er jafn há upp­hæð og land­bún­að­ur­inn ­ís­lenski velti á nýliðnu ári skv. nýjum bráða­birgða­tölum frá­ Hag­stofu Íslands. 

Frá þessu er greint í Við­skipta­Mogg­an­um, fylgi­riti Morg­un­blaðs­ins um við­skipti, í dag, en vitnað er til nýrrar skýrslu Íslands­banka um ferða­þjón­ustu í umfjöll­un­inni.

Í skýrsl­unni er því spáð að tekju­vöxtur verði um 10 pró­sent í ferða­þjón­ust­unni á þessu ári, sem þýðir að gjald­eyr­is­tekjur verða um 570 millj­arðar króna.

Mikil breyt­ing hefur orðið á stöðu atvinnu­veg­anna síð­asta ára­tug­inn, og er mik­ill upgangur bíla­leiga til marks um það. „Þannig hefur land­bún­að­ur­inn ­vaxið úr 31,6 millj­örð­u­m árið 2008 í ríf­lega 51 millj­arð á síð­asta ári (á verð­lagi hvors árs fyrir sig) og ­nemur raun­vöxtur grein­ar­innar um 12,2%. Á sama tíma hafa umsvif bíla­leig­anna ­vaxið úr 7,6 millj­örðum árið 2008 í um 51 millj­arð á síð­asta ári (á verð­lagi hvors árs fyrir sig),“ að því er segir í Við­skipta­Mogg­an­um. 

Í skýrslu Íslands­banka um ­stöðu ferða­þjón­ust­unnar kemur fram að floti bíla­leigu­fyr­ir­tækj­anna hafi fimm­fald­ast frá árinu 2007 og að þeg­ar ­mest lét síð­ast­liðið sumar hafi bílar á þeirra vegum á göt­unum verið 25 ­þús­und tals­ins.