Svan­dís Svav­ars­dótt­ir, heil­brigð­is­ráð­herra, hyggst aug­lýsa stöðu for­stjóra Sjúkra­trygg­inga Íslands, sam­kvæmt heim­ildum Kjarn­ans, en skip­un­ar­tími núver­andi for­stjóra, Stein­gríms Ara Ara­son­ar, rennur út í lok októ­ber á þessu ári. 

Stein­grímur Ari hefur verið for­stjóri stofn­un­ar­innar frá stofn­un, en skip­un­ar­tím­inn er til fimm ára í senn.

Sjúkra­trygg­ingar Íslands starfa sam­kvæmt lögum um sjúkra­trygg­ingar sem tóku gildi þann 1. októ­ber 2008. Stofn­unin heyrir undir heil­brigð­is­ráð­herra og ann­ast fram­kvæmd sjúkra­trygg­inga. Jafn­framt semur hún um og greiðir fyrir heil­brigð­is­þjón­ustu.

Jafn­framt er mark­miðið með stofn­un­inni að stuðla að rekstr­ar- og þjóð­hags­legri hag­kvæmni í heil­brigð­is­þjón­ustu og hámarks­gæðum þjón­ust­unnar eftir því sem frekast er unnt. Þá er það einnig mark­mið lag­anna að styrkja hlut­verk rík­is­ins sem kaup­anda heil­brigð­is­þjón­ustu og kostn­að­ar­greina þjón­ust­una, að því er fram kemur á vef stofn­un­ar­inn­ar.

Á árinu 2016 nam rekstr­ar­kostn­að­ur­ ­Sjúkra­trygg­inga Íslands tæpum 1,5 millj­arði króna. Greiðslur stofn­un­ar­inn­ar til sjúkra­tryggðra á Íslandi og veit­enda heil­brigð­is­þjón­ustu námu sam­tals um 75,2 millj­örðum króna. Greiðsl­urnar vörð­uðu um 265 þús­und ein­stak­linga og runnu til um 1.500 veit­enda heil­brigð­is­þjón­ustu, að því er fram kemur í inn­gangs­orðum Stein­gríms Ara, í árs­skýrslu stofn­un­ar­innar fyrir árið 2016