„Það kom ekk­ert út úr fund­inum og enn ber mikið á milli,“ sagði Áslaug Vals­dótt­ir, for­maður Ljós­mæðra­fé­lags­ Ís­lands, í sam­tali við Morg­un­blaðið, að loknum fundi með samn­inga­nefnd ­rík­is­ins í hús­næði Rík­is­sátta­semj­ara í gær. 

Eins og kunn­ugt er þá hafa kjara­deilur ljós­mæðra og rík­is­ins staðið yfir lengi án þess að lausn sé í sjón­máli. Bjarni Bene­dikts­son, fjár­mála­ráð­herra, hefur sagt að kröfur ljós­mæðra séu óað­gengi­legar og geti ógnað við­kvæmri stöðu á vinnu­mark­aði í kom­andi kjara­samn­ingum í haust.

„Við erum ósam­mála og ekk­ert að nálg­ast. Ég held að það sé tölu­vert langt í land enn­þá. Það er fundur eft­ir 10 daga og ég veit ekki hvort nokkuð ger­ist. Ég á ekk­ert frekar von á því,“ segir Áslaug í við­tali við Morg­un­blaðið í dag og bætir við að ljós­mæð­ur­ hugsi nú sinn gang og kanni hvað sé í stöð­unn­i. 

Áslaug segir ljós­mæður ekki sér­lega bjart­sýnar en þær standi saman og muni gera það áfram. Það semj­ist á end­an­um. „Við ræddum saman og nið­ur­staðan var sú að það sé ennþá svo langt á milli að við sjáum ekki til lands,“ ­sagði Gunnar Björns­son, for­maður samn­inga­nefnd­ar ­rík­is­ins, í við­tali við Morg­un­blað­ið. Hann seg­ist þó von­góður um að samn­ingar náist, og vonar að það ger­ist áður en langt um líð­ur.