Enn hægt að hætta við Borgarlínu og þess vegna er hún stórt kosningamál

Borgarstjórinn vill flýta lagningu Borgarlínu og öðrum brýnum samgönguverkefnum jafnvel þótt íslenska ríkið þyrfti að greiða sinn hlut í þeim yfir lengri tíma.

Dagur B. Eggertsson
Auglýsing

Dagur B. Eggertsson, borgarstjóri í Reykjavík og oddviti Samfylkingarinnar, segir að það sé enn mögulegt að bakkað verði út úr áformum um lagningu Borgarlínu ef öfl sem leggjast gegn henni komist í meirihluta í borginni í lok næsta mánaðar. Enn sé ekki búið að útkljá hvernig kostnaðarskipting milli sveitarfélaga á höfuðborgarsvæðinu og ríkisins verði vegna verkefnisins og að Sigurður Ingi Jóhannsson, ráðherra samgöngu- og sveitarstjórnarmála, hafi talað þannig að honum finnist eðlilegt að bíða þar til eftir komandi sveitarstjórnarkosningar og að málið verði klárað að þeim loknum.

Þetta er á meðal þess sem kemur fram í viðtali við Dag í nýjasta þætti Kjarnans á Hringbraut. Hægt er að sjá þáttinn í heild sinni hér að neðan:

Dagur segir að komist flokkar til valda sem séu með aðrar áherslur í samgöngu- og skipulagsmálum en þeir sem hafa ráðið ferðinni á undanförnum árum, þá sé enn hægt að bakka út úr Borgarlínuverkefninu. „Þessi staða kristallar hvers vegna Borgarlínumálið og þessar stóru línur í samgöngu- og skipulagsmálum eru eitt af stóru málum þessara kosninga. Það skiptir mjög miklu máli hvernig næsti meirihluti mun líta út og hvaða sjónarmið verða þar efst á baugi varðandi það hvernig þessum málum verður forgangsraðað.“

Auglýsing

Ef þeir flokkar sem leggjast geng Borgarlínu, og vilja þenja byggð út í borginni, komist til valda í vor þá myndi sá meirihluti væntanlega ekki klára þá samninga sem þurfi að gera við ríkið á þessu ári um fjármögnun og áfangaskiptingu verkefnisins. „Ég er ekki að segja að þetta myndi fresta Borgarlínu um aldur og ævi, líklega myndu líða fimm eða tíu ár þar sem fólk myndi eyða meiri og meiri tíma í traffík þar til algjörlega allir myndu átta sig á því að til þess að þróa þetta höfuðborgarsvæði á farsælan hátt þá þarf öflugri almenningssamgöngur og Borgarlínu.“

Dagur segir að búið sé að skila sameiginlegri vinnu ríkis og sveitarfélaga á höfuðborgarsvæðinu um hvernig skipuleggja eigi samgöngumál þar til framtíð. Fram undan séu því samningaviðræður um hvernig ríki komi að kostnaði vegna slíkra verkefna, en þar eru t.d. Borgarlína og áform um að setja Miklubraut í stokk undir. „Í mínum huga er þetta verkefni það brýnt að það hlýtur að vera skoðað hvort það sé hægt að flýta þessu ferli jafnvel þótt að ríkið þurfi að greiða sinn hlut í jöfnum áföngum, þá gæti maður séð fyrir sér að stór verkefni eins og Miklabraut í stokk og einhverjir áfangar Borgarlínunnar yrðu fjármagnaðir af sveitarfélögunum þó að greiðslur ríkisins kæmu til á lengri tíma.“


Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra var bólusett í Laugardalshöllinni í gær. Bólusetningar ganga nú mjög hratt fyrir sig á Íslandi og samhliða dregur úr takmörkunum.
Fjöldatakmarkanir hækkaðar í 50 manns frá og með næsta mánudegi
Opnunartími veitingastaða verður lengdur um klukkustund, leyfilegur fjöldi í verslunum tvöfaldast, fleiri mega vera í sundi og fara í ræktina. Grímuskylda verður hins vegar óbreytt.
Kjarninn 7. maí 2021
Skálað á kaffihúsi í Danmörku.
Ýta við ferðaþjónustunni með 32 milljarða króna „sumarpakka“
Danska ríkisstjórnin ætlar að setja 1,6 milljarða danskra króna, um 32 milljarða íslenskra, í „sumarpakka“ til að örva ferðaþjónustu landsins.
Kjarninn 7. maí 2021
Kvótinn um 1.200 milljarða króna virði – Þrjár blokkir halda á tæplega helmingi hans
Miðað við síðustu gerðu viðskipti með aflaheimildir þá er virði þeirra langtum hærra en bókfært virði í ársreikningum útgerða. Í næstu viku munu örfáir eigendur útgerðar selja tæplega 30 prósent hlut sinn í henni.
Kjarninn 7. maí 2021
Páll Magnússon er formaður allsherjar- og menntamálanefndar.
Nefnd búin að afgreiða fjölmiðlastyrki og umsóknarfrestur verður til loka maímánaðar
Meirihluti allsherjar- og menntamálanefndar hefur skilað áliti um stuðningskerfi til fjölmiðla. Þar er lagt til að þrengja skilyrði fyrir stuðningi úr ríkissjóði og gildistími laganna er færður í eitt ár.
Kjarninn 7. maí 2021
Rósa Guðbjartsdóttir, bæjarstjóri Hafnarfjarðar, og verk Libiu og Ólafs áður en það var tekið niður af gafli Hafnarborgar.
Bæjarstjóri hafnar því að hafa gerst sek um ritskoðun þegar listaverk var fjarlægt
Fulltrúar minnihlutans í Hafnarfirðii segja fjarlægingu listaverks Libiu Castro og Ólafs Ólafssonar af gafli Hafnarborgar síðastliðinn sunnudag „alvarlega aðför að tjáningarfrelsi“ og vilja að bæjaryfirvöld biðji tvíeykið afsökunar.
Kjarninn 7. maí 2021
Svæðið fyrir og eftir að Rio Tinto hafði farið yfir það með stórvirkum vinnuvélum.
Hluthafar Rio Tinto hafna starfskjarastefnu sem ofurlaun forstjórans fyrrverandi byggðu á
Fyrstu viðbrögð Rio Tinto og forstjóra þess, þegar upp komst að fyrirtækið hefði eyðilagt 46 þúsund ára gamla steinhella, voru að segjast ekki hafa vitað að þeir væru heilagir í hugum frumbyggjanna. Þessar afsakanir voru hluthöfum ekki að skapi.
Kjarninn 6. maí 2021
Bjarni Benediktsson, fjármála- og efnahagsmálaráðherra.
Telur ásakanir um meint brot Samherja ekki hafa skaðað orðspor íslenskra fyrirtækja
Fjármála- og efnahagsráðherra segist aldrei hafa fengið símtal, ábendingu eða umkvörtun frá nokkrum einasta aðila sem heldur því fram að ásakanir um lögbrot Samherja séu að valda einhverjum verulegum vandræðum fyrir íslenskan útflutning.
Kjarninn 6. maí 2021
Lilja Björk Einarsdóttir, bankastjóri Landsbankans.
Landsbankinn hagnaðist um 7,6 milljarða króna á þremur mánuðum
Hlutdeild Landsbanka Íslands á íbúðalánamarkaði hefur stóraukist milli ára og er nú 26,8 prósent. Hún hefur aldrei verið hærri. Eigið fé bankans er nú 261,4 milljarðar króna.
Kjarninn 6. maí 2021
Meira úr sama flokkiInnlent