Mið­flokk­ur­inn vill að RÚV verði tekið af fjár­lögum og að rík­is­fjöl­mið­ill­inn fjár­magni sig ein­vörð­ungu með áskrift­ar­sölu og á aug­lýs­inga­mark­aði. Þá vill flokk­ur­inn einnig að virð­is­auka­skattur á áskriftum fjöl­miðla verði afnum­in. Þetta er meðal þess sem kemur fram í lands­fund­ar­á­lykt­unum flokks­ins. 

Í fjöl­miðla­hluta álykt­un­ar­innar segir enn fremur að óheim­ilt eigi að vera að veita fé af fjár­lögum rík­is­ins til rekst­urs RÚV. „Rás 1 verði verði rekin sem öryggis og menn­ing­ar­stöð og tryggt verði að útsend­ingar nái til allra lands­manna, lands­ins alls og land­helgi. Stöðin verði rekin fyrir fé frá Mennta- og menn­ing­ar­mála­ráðu­neyti og á ábyrgð ráð­herra. Stofn­aður verði sér­stakur sam­keppn­is­sjóður er hafi það hlut­verk að fjár­magna inn­lenda fram­leiðslu fræðslu, menn­ing­ar- og skemmti­efnis fyrir fjöl­miðla (út­varp, sjón­varp og dag­blöð) Sjóð­ur­inn fái á ári að lág­marki sama fjár­magn og RU­V ohf. hafði til fram­leiðslu og/eða kaupa á inn­lendu dag­skrár­efni árið 2018.“

Vill gefa almenn­ingi hlut í banka og fjölga lög­reglu­mönnum

Flokk­ur­inn vill auk þess að lög­reglu­mönnum verði fjölgað út um allt land, að reglu­verk atvinnu­lífs­ins verði ein­faldað og að lagt verði áherslu á upp­bygg­ingu hug­vits­greina. Mið­flokk­ur­inn vill taf­ar­laust afnema skerð­ingar líf­eyris krónu á móti krónu, setja þak á vexti af nýjum verð­tryggðum lán­um, taka hús­næð­islið­inn út úr neyslu­vísi­töl­unni og heim­ila áfram að nýta sér­eigna­sparnað til að greiða inn á hús­næð­is­lán. 

Miðflokkurinn leggur sér­staka áherslu á end­ur­skipu­lagn­ingu fjár­mála­kerf­is­ins. Í álykt­un­inni segir að ljúka skuli „end­ur­skipu­lagn­ingu fjár­mála­kerf­is­ins með það að mark­miði að lækka vexti og laga kerfið að þörfum fólks og fyr­ir­tækja. Bank­arnir verði minnk­aðir með því að greiða úr þeim umfram eigið fé í rík­is­sjóð. Lands­bank­inn verði lát­inn leiða þá vinnu þar sem m.a. verði stofn­aður nýr hag­kvæmur net­banki sem láni til ein­stak­linga og fyr­ir­tækja á bestu kjör­u­m.“

Þá vill flokk­ur­inn að Fjár­mála­eft­ir­litið verði sam­einað Seðla­bank­anum og að almenn­ingi verði færður hlutur í banka í eigu rík­is­ins, en það var helsta kosn­inga­lof­orð Mið­flokks­ins fyrir kosn­ing­arnar 2017.

Birgir og Gunnar Bragi takast á

Einn er í fram­boði til for­manns Mið­flokks­ins, Sig­mundur Davíð Gunn­laugs­son, stofn­andi og sitj­andi for­maður flokks­ins. Tveir bjóða sig fram til vara­for­manns, Birgir Þór­ar­ins­son, þing­maður Suð­ur­kjör­dæm­is, og Gunnar Bragi Sveins­son, þing­flokks­for­maður Mið­flokks­ins. Þau Anna Kol­brún Árna­dóttir þing­maður Norð­aust­ur­kjör­dæm­is­, Jona­s Henn­ing fjár­festir sem skipar þriðja sæti á lista Mið­flokks­ins í Hafn­ar­firði og Sól­veig Bjarney Dan­í­els­dóttir aðstoð­ar­deild­ar­stjóri á LS­H ­sem skipar fjórða sæti á lista Mið­flokks­ins í Reykja­vík bjóða sig fram til emb­ættis 2. vara­for­manns flokks­ins.

Kosn­ing­arnar á lands­þing­inu fara fram í dag.