Í það minnsta 60 ljós­mæður munu leggja niður störf í dag og ætla ekki að taka til starfa á nýjan leik, fyrr en samn­ingur við Sjúkra­trygg­ingar Íslands um greiðslur til þeirra hafa verið und­ir­rit­aðar og stað­fest­ar.

Minnst 60 af rúm­lega 90 ljós­mæðrum í heima­þjón­ustu munu leggja niður störf frá.

Eins og kunn­ugt er, hafa kjara­við­ræður ljós­mæðra og rík­is­ins staðið yfir mán­uðum saman án þess að sam­komu­lag haf náðst. Fundað hefur verið hjá Rík­is­sátta­semj­ara en það hefur engum árangri skil­að. 

Þá hefur Bjarni Bene­dikts­son, fjár­mála­ráð­herra, sagt að kröf­urnar sem ljós­mæður hafa komið fram með, séu óað­gengi­legar þar sem þær myndu hafa slæm áhrif á vinnu­mark­að­inn í heild sinni.

Svan­dís Svav­ars­dótt­ir, heil­brigð­is­ráð­herra, segir í Morg­un­blað­inu í dag, að aðgerðir ljós­mæðra í heima­þjon­ustu komi henni á óvart. 

Aðspurð um ástæðu þess, að til­bú­inn samn­ingur Sjúkra­trygg­inga við ljós­mæður í heima­þjón­ustu hafi legið svo lengi óund­ir­rit­aður á hennar borði, segir Svan­dís að bera þurfi til­tekna þætti samn­ings­ins undir Land­spít­al­ann og Fjórð­ungs­sjúkra­húsið á Akur­eyri, áður en hægt sé að ganga end­an­lega frá hon­um. 

Til stendur að funda um málið í dag, að því er fram kemur í Morg­un­blað­inu.