Ólík­legt þykir að líf­eyr­is­sjóð­ir í hópi stærstu hlut­hafa HB Granda ákveði að taka yfir­tökutil­boð­i Brims og selja sinn hlut í félag­in­u. 

Frá þessu er greint í Mark­aðnum í dag, en líf­eyr­is­sjóðir eiga alls um 44 pró­sent hlut í félag­in­u. 

Í Mark­aðnum kemur enn fremur fram að erlendir bankar kunni að hafa áhuga á því að koma að fjár­mögnun við­skipta með hlutafé í HB Granda, en eins og greint var frá í frétta­skýr­ingu á vef Kjarn­ans í gær þá er um veru­lega stóran bita að ræða, þegar kemur að fjár­mögn­un, ef stór hluti hlut­hafa HB Granda ákveður að taka yfir­tökutil­boði Guð­mundar Krist­jáns­son­ar, aðal­eig­anda Brims. Miðað við það þá er félagið rúm­lega 65 millj­arða virði, en mark­aðsvirði félags­ins nú er 61,6 millj­arður króna.

Við­mæl­end­ur ­Mark­að­ar­ins í röðum líf­eyr­is­sjóð­anna segja vilja ekki standa til þess að eina sjáv­ar­út­vegs­fyr­ir­tæk­ið á hluta­bréfa­mark­að­i hverfi af mark­að­in­um. „Eins benda þeir á að eina ­leiðin fyrir sjóð­ina til þess að koma að grund­vall­arat­vinnu­veg­i ­þjóð­ar­innar sé að eiga hlut í HB Granda. ­Með kaupum Brims á þriðj­ungs­hlut í HB Granda skap­ast veru­leg tæki­færi til hvors tveggja sókn­ar og sam­legð­ar,“ segir í Mark­aðn­um.