Almenna leigufélagið: Aðlögum leigusamninga að markaðsverði

Almenna leigufélagið skýrir hækkun leiguverðs á eignum þess að það hafi verið langt undir markaðsverði og að sömuleiðis verði að taka mið að fasteignaverði. Formaður VR hefur gagnrýnt þessar hækkanir.

Húsnæði í Reykjavík
Auglýsing

„Síðan við tókum yfir höfum við því þurft að ganga í það að aðlaga þessa leigu­samn­inga að mark­aðs­verði og höfum við verið að gera það í skrefum til að leigj­endur fái svig­rúm til aðlög­un­ar,“ segir í svari Almenna leigu­fé­lags­ins við fyr­ir­spurn Kjarn­ans. 

Ragnar Ingólfsson, formaður VR.Ragnar Þór Ing­ólfs­son, for­maður VR, gagn­rýnir þessar hækk­anir í face­book-­færslu í dag. Þar segir hann að um sé að ræða 50 til 70 pró­sent hækk­anir á rúmum tveimur árum. „Mörg til­felli eru af ein­stak­lingum og tekju­lágum fjöl­skyldum sem eru að missa það litla sem eftir er af ráð­stöf­un­ar­tekjum til að brauð­fæða sig og sína og eru margir skilj­an­lega í áfalli og standa ráð­þrota gagn­vart þessu. Val­kost­ur­inn er að taka þessu eða enda á göt­unn­i,“ segir hann í færsl­unni.

Almenna leigu­fé­lagið tók við rekstri tveggja stórra eigna­safna árið 2017 sem sam­sett voru af eignum sem voru að stærstum hluta í eigu Íbúð­ar­lána­sjóðs. Ann­ars vegar leigu­fé­lagið Klett, sem var í eigu ÍLS, og hins vegar félagið BK eignir sem var sam­an­sett af nokkrum eigna­söfnum frá ÍLS, segir í svari Almenna leigu­fé­lags­ins.

Auglýsing

Í svar­inu segir jafn­framt að í mörgum til­fellum sé leigu­verð búið að standa óbreytt frá árunum 2009 til 2010 og hafi það því verið mjög langt undir mark­aðs­verði. Félagið hafi verið að greiða háar fjár­hæðir með þessum eignum vegna rekstr­ar- og fjár­magns­kostn­að­ar.

Leigu­verð verði að taka mið af fast­eigna­verði

Segir enn fremur í svar­inu að þau hafi skiln­ing á að það geti verið þungt fyrir leigj­endur þegar leigu­verð hækk­ar, en leigu­verð taki auð­vitað fyrst og fremst mið af fast­eigna­verði, sem hafi hækkað mjög und­an­farin ár.

„Leigu­verð þarf svo auð­vitað að standa straum af fast­eigna­gjöldum og önnur opin­berum gjöld­um, sem hafa hækkað gríð­ar­lega und­an­farin ár með hækk­andi fast­eigna­mati. Við­hald fast­eigna vegur mjög þungt í kostn­aði og svo erum við auð­vitað að reka skrif­stofu með öllu því sem fylgir, erum með fjölda manns í vinnu við að sinna fast­eign­unum og leigj­endum okkar og bjóðum upp á 24/7 sím­svörun og neyð­ar­þjón­ustu fyrir við­skipta­vini okk­ar. Langstærsti lið­ur­inn í rekstri allra fast­eigna­fé­laga er svo fjár­magns­kostn­aður sem er gríð­ar­lega hár hér á landi vegna vaxta­stigs­ins.

Einka­rekin leigu­fé­lög eru alls staðar í hinum vest­ræna heimi hluti af heil­brigðum og fjöl­breyttum hús­næð­is­mark­aði þar sem fólk hefur val í búsetu­mál­um. Til þess að við getum tekið þátt í því þarf rekstur þess­ara félaga að standa undir sér.

Í dag skipt­ist leigu­mark­að­ur­inn þannig að tveir þriðju hlutar allra leigu­í­búða eru í eigu ein­stak­linga.

Við fáum mjög oft til okkar fólk sem hefur verið að leigja af slíkum aðilum og hafa lent í vand­ræðum varð­andi við­hald, hefur lent í því að fá ekki trygg­ing­arfé sitt greitt til baka að leigu­tíma lokn­um, hefur þurft að flytja oft vegna þess að leigu­í­búðir þeirra eru seld­ar,“ segir í svari Almenna leigu­fé­lags­ins.

Kann­ast ekki við máln­ing­ar­vinnu­gjald

Ragnar gagn­rýndi enn fremur að fólk sem hefur fengið aðra íbúð innan félags­ins sé rukkað um rúm­lega 120.000 krónur í flutn­ings­gjald og í flestum til­fellum sé kraf­ist hærri trygg­inga í nýjum samn­ing­um.

Í svari Almenna leigu­fé­lags­ins segir að ­flutn­ings­gjald sé kostn­aður við flutn­ing milli íbúða innan félags­ins. Það séu mjög margir leigj­endur hjá þeim sem nýta sér þessa þjón­ustu en það fylgi henni mik­ill kostn­aður fyrir félag­ið. „Önnur íbúðin stendur alltaf ótekju­ber­andi í ákveð­inn tíma meðan flutn­ingur á sér stað, auk þess sem stand­setn­ing­ar- og umsýslu­kostn­aður er tölvu­verð­ur. Þetta er gjald sem er alþekkt hjá leigu­fé­lögum erlendis og hér­lend­is. Til dæmis rukk­aði Leigu­fé­lagið Klett­ur, sem var í eigu Íbúð­ar­lána­sjóðs, einn auka mánuð fyrir þessa þjón­ustu, en við kusum að fara þessa leið að hafa þetta fast gjald, kr. 120.000,- til að halda kostn­aði í lág­marki.“

Í þriðja lagi nefnir Ragnar að reynt sé að lauma inn í samn­inga að leigj­andi greiði 95.000 krónur fyrir máln­ing­ar­vinnu eða skili af sér nýmál­uðu ef leigu­samn­ingi er sagt upp. Almenna leigu­fé­lagið kann­ast ekki við slíkt máln­ing­ar­vinnu­gjald. „Leigj­andi greiðir fyrir máln­ingu ef hann hefur neglt eða borað í veggi, en þó ekki ef 5 ár eru liðin frá upp­hafi leigu­tíma þar sem þá er kom­inn eðli­legur tími á heil­máln­ingu íbúð­ar. Þetta á að sjálf­sögðu ein­ungis við ef íbú­inn hefur fengið íbúð­ina afhenta nýmál­aða,“ segir í svar­inu.



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Ingibjörg Sólrún Gísladóttir
Ingibjörg Sólrún lætur af störfum hjá ÖSE – Utanríkisráðherra segir þetta aðför að stofnuninni
Ingibjörg Sólrún Gísladóttir læt­ur af störf­um sem for­stjóri lýðræðis- og mannréttindastofnunar ÖSE en hún hefur sinnt starfinu í þrjú ár.
Kjarninn 13. júlí 2020
Komum á dag- og göngudeildir fækkaði um 30 prósent í faraldrinum
Komum á dag- og göngudeildir fækkaði að meðaltali um 30 prósent á meðan kórónuveirufaraldurinn stóð sem hæst. Þá fækkaði samskiptum við sjálfstætt starfandi sérfræðinga um 25 prósent, samkvæmt upplýsingum frá landlækni.
Kjarninn 13. júlí 2020
Kári Stefánsson, forstjóri ÍE.
Íslensk erfðagreining heldur áfram að skima í viku í viðbót
Til stóð að dagurinn í dag ætti að vera síðasti dagurinn sem Íslensk erfðagreining myndi skima á landamærunum.
Kjarninn 13. júlí 2020
Mótefni minnkar strax á fyrstu mánuðum
Þó að mótefni sem líkaminn myndar gegn veirunni SARS-CoV-2 sem veldur COVID-19 minnki þegar á fyrstu þremur mánuðunum eftir að þau verða þarf það ekki að þýða að ónæmi viðkomandi sé ekki lengur til staðar.
Kjarninn 13. júlí 2020
Veldi Storytel stækkar
Fyrstu tíu daga júlímánaðar keypti Storytel ráðandi hluti í tveimur fyrirtækjum og eitt til viðbótar.
Kjarninn 13. júlí 2020
Icelandair skrifar undir samning við lettneska flugfélagið airBaltic
Um er að ræða samstarfssamning sem felur í sér að bæði flugfélögin geta selt og gefið út flugmiða hvort hjá öðru.
Kjarninn 13. júlí 2020
(F.v.) Richard Curtis, Jerry Greenfield og Abigail Disney eru meðal þeirra milljónamæringa sem skrifa undir bréfið.
Auðmenn vilja að ríkisstjórnir hækki skatta „á fólk eins og okkur“
„Milljónamæringar eins og við gegna lykilhlutverki í því að græða heiminn,“ segir í bréfi 83 auðmanna sem vilja skattahækkanir á ríkt fólk – eins og þá sjálfa – til að draga úr misrétti vegna COVID-19 og flýta fyrir efnahagsbata.
Kjarninn 13. júlí 2020
Dagur B. Eggertsson
Dagur: Nauðsyn­legt að hætta skot­grafa­hernaði varðandi ferðamáta
Borgarstjórinn segir að nauðsyn­legt sé að kom­ast „út úr þeim skot­grafa­hernaði að líta á að ein­hver einn ferðamáti skuli ráða“. Hann vill að Borgarlínunni verði flýtt.
Kjarninn 13. júlí 2020
Meira úr sama flokkiInnlent