Íslenska sprota­fyr­ir­tækið Videntifier hefur gert stóran samn­ing við Face­book, en í honum felst að Face­book kaupir afnot af hug­bún­aði og tækni sem fyr­ir­tækið hefur þróað und­an­far­inn ára­tug.

Videnti­fer notar tækni sem gerir tölvum kleift að bera kennsl á flókið myndefni, bæði kyrr­myndir og kvik­mynd­ir, óháð fram­setn­ingu og breyt­ing­um. Inter­pol er nú stærsti við­skipta­vinur fyr­ir­tæk­is­ins og flestir við­skipta­vinir eru stofn­anir sem sinna lög­æslu- og eft­ir­lits­störf­um. Hjá þessum aðilum er tæknin notuð til að bera kennsl á ólög­legt myndefni. Tæknin hefur einnig verið notuð til að vernda höf­und­ar­rétt.

Tæknin var þróuð af lyk­il­stofn­endum fyr­ir­tæk­is­ins Herwig Lej­sek og Frið­riki Ásmunds­syni, í sam­starfi við Björn Þór Jóns­son, dós­ent við HR og fleiri.

Í til­kynn­ingu er haft eftir Herwig Lej­sek fram­kvæmda­stjóra Videntifier að samn­ing­ur­inn sé við­ur­kenn­ing á þeirri tækni sem fyri­tækið hafi þróað síð­ustu 10 ár. „Það hefur alltaf verið mark­mið okkar að tæknin sé bæði hrað­virk og nákvæm þannig að hún beri rétt kennsl á myndir og geti ráðið við risa­stór verk­efni. Að stærsta fyr­ir­tækið í sam­fé­lags­miðlum nýti hana sýnir að það hefur tekist,“ segir Lej­sek.

Ari Krist­inn Jóns­son, rektor Háskól­ans í Reykja­vík, verið stjórn­ar­for­maður fyr­ir­tæk­is­ins frá stofnun og segir í til­kynn­ing­unni að samn­ing­ur­inn sé meiri­háttar áfangi í þróun fyr­ir­tæk­is­ins. „Allir þeir sem að því hafa komið eiga heiður skil­inn fyrir sitt fram­lag, sér­stak­lega starfs­menn. Þetta er líka gott dæmi um hversu mikil tæki­færi og verð­mæti er hægt að skapa á grunni hug­vits hér á Íslandi, en það mun skipta Ísland öllu til fram­tíðar að hafa mannauð og umhverfi sem skila svona áföngum miklu oft­ar.“